ni 30.9.2016 (zirtawpni)
CHAMPHAI KAWNG ZAWH PHALLO :
Nimin khan Champhai DC Conference Hall ah Champhai District chhung kawngpui chhia avanga mipuite harsatna tawh mek sut kian dan tur ngaihtuah a, District thu neitute meeting chuan October 5, 2016 atanga thlahnih chhung awh tur CrPC Section 144 hmangin Champhai District pumah lirthei keruk aia tam hmang chin tlan khapna thupek siam a rel. Meeting hi District Bawrhsap Pu Vanlalngaihsaka, IAS in a kaihruaia, Project Director DRDA, SE(PHE), Addl. SP, EE (PWD), EE(P&E), SDO(S), DTO leh BRTF thuneitute bakah NGO Coordination, Sub-Hqrs. YMA leh MJA Champhai aiawhte an tel.
Kawng chhiat avanga mipui harsatna tawh mek thlir chungin nimina DC hova meeting chuan October 5, 2016 atanga thlahnih chhung awh turin Champhai District puma hman turin CrPC Section -144 hmangin lirthei keruk aia tam hmang zawng zawng tlan khap na thupek chhuah turin a rel a. He khapna hian mipui mamawh, Essential Commodities Act in a huam chin phurtute erawhchu a huam lo vang. Hemi hun chhung hian BRTF te chu Khawzawl – Kawlkulh inkar kawng atanga tan in a tahtawla kawng thawm that hna chak taka kalpui tura ngen niin BRTF aiawhtu OC 74RCC (GREF) chuan meeting ngena hi tihlawhtling tura bawhzui nghal a tum thu a sawi.
Nimina meeting chuan mi thenkhatin leihlawn chunga lirthei an dah thin te, lung, balu leh thildang an chhek thin te chu ngaihmawhawm an tih thu sawiin BRTF leh PWD hotute chu hemi chungchanga khapna leihlawn tihah tar turin a ngen ngal.
Meeting-ah hian Seling-Champhai kawngpui chu March ni 4, 2014 khan National Highway – 6 ah puan a nih thu leh State PWD kuta hlan fel a la nih loh avangin Kawlkulh – Khawzawl leh Seling – Keifang kawng thawmthatna tura sawrkar laipuiin a sanction tawh, cheng nuai 3,261.38 chu hman theih lova a la awm thu tarlan a ni a. Phal chin aia rit phur lirthei in an zawh nasat avangin tun hnaiah kawng a chhe chak hle a ni.
ZOTLANGA PU H. THANGLUAIA IN A KANG :
Nimin chhun dar 12 vel khan Champhai Zotlang Pu H. Thangluaia In, Assam Type Chhawng hnih chu bungrua engmah chuh hman lohin a kang ral.
Pu H. Thangluaia te chhungkua hi mi 9 niin kang mei a chhuah lai hian Inah tumah an awm loh lai a ni a. kangmei a chhuak a ni tih hriat a nih rual hian thenawm khawveng a hria apiang tlan khawm nghalin thelh a ni a, a kan nasat tawh em avang leh mei hi a kal chak em avangin Fire Dept kang thelh motor thlen hnuahpawh thelh mih theih a ni ta lo a ni. Bungrua kangral hlut zawk hi Rs. nuai 6 chuang man hu vel ni a hriat a ni a. Champhai SDO (Sadar) Pachhuga leh BDO PC Zonuntluangi bakah YMA Sub-Hqrs. hruaituten In kanna hmun hi thlen gnghalin Champhai DC Vanlalngaihsaka leh CC Lalchhuangkima, PD, DRDA te chuan In kang senghawi hna leh sak that hnatlang neih tura thingpui in man tur an pek bakah DC Office atangin Silpauline pakhat pek an ni bawk.
Nimin tlai khan Zotlang VC leh NGO hrang hrangte bakah YMA hruaitute chu hmalak dan tur ngaihtuahin an thukhawm nghal a ni.
RALNA SUM HLAN :
Thawhlehni zan khan Tlangsam VC te chuan tui tla, nunna chan Lalbiakfela leh Lalngaihkima Fanai te ralna hun an hmang.
Kar hmasa Inrinni a Tlangsam VEC ten MGNREGS atanga Community Farm Pond an siama vanduaina tawk ta Lalbiakfela leh a nau Lalngaihkima Fanai te ralna hun an hmang a, ralna sum an hlan a ni.
COLLEGE ENDIK :
Nimin khan Mizoram University Inspection Team chuan Govt. Champhai College a Commerce Dept. an rawn endik.
Govt. Champhai College a Commerce Dept. endik tur hian Dr Haukhawlian mangte, Director College Development Council, Mizoram University; Prof Joyti Kumar, Dept. of Commerce MZU; Prof Robindra Singh leh R. Lallianzuala, Joint Director (IQAC) te rawn kalin anni hian an endik hna an rawn thawk a. heng inspection Team te hian vawiin hian Champhai chhuahsanin Khawzawl College an tlawh leh ang a, hemi hnu hian Aizawl an pan lehnghal ang.
FAINA HNATLANG :
Chhangphut Field chheh vel tifaiin nimin khan Bethel High School leh Vengsang High School te an hnatlang a. Chhangphut Field chheh vela bawlhhlawh awmte an tihfai bakah, thutna a patek leh tihfai ngai laite an tifai nghal a ni.
Hetihlai hian Champhai in Mizoram Premier League Round 7 thla thara a thlen turah ngawrh taka inbuatsaihna kalpui mek a ni a. CDFA hian Chhangphut Field hi hnatlanga a chei reng bakah mikhual lo thleng turin a inpeih fel thawkhat tawh bawk.
HOSTEL DAN ZIRHO :
Mizoram School Hostel Infrastructure Facilities and General Care of Students (Management) Rules, 2016 chu niin khan Champhai DEO Office Meeting Room ah zirho a ni a. School Hostel siam School a Principal leh Headmaster te kohkhawm an ni. Dan an zawm that leh that loh endik thin a nih dawn avangin dan zawm turin an inhrilh nghal bawk.
SCHOOL FAI :
State Level Committee chuan sawrkar laipuia Department of School Education & Literacy buatsaih, School Sanitation Awards, Swachh Vidyalaya Puraskar 2016 State Level Awward dawng turin Thawhlehni khan Mizorama School 31 an thlang chhuak a. Chung zingah chuan Champhai District atangin School 13 an tel a ni.
Chungte chu :
North Samthang p/s; Khuangthing PS; Kawlkulh PS III; Khawbung MS’ Zawlzei MS’ Fiaratui MS Vaphai; Khawbung KM MS; Thanchhuma Memorial HS; Rabung HS; Roseland PS; Bethel MS; Kanan MS leh Champhai HS te an ni.
VAWIIN DINHMUN :
MIZOFED POL (Tuialhthei) Ph :8414965293
(Mon – Sat :- 6:00 AM – 7:00 PM) (Sunday :- 12:00 Noon – 3:00 PM)
Petrol : Free Sale (Rs. 60.17/litre)
Diesel : Free Sale (Rs. 50.20/litre)
MIZOFED LPG (Gas)
(Vawiina an semna hmun)
Nil
CHAMPHAI KAWNG ZAWH PHALLO :
Nimin khan Champhai DC Conference Hall ah Champhai District chhung kawngpui chhia avanga mipuite harsatna tawh mek sut kian dan tur ngaihtuah a, District thu neitute meeting chuan October 5, 2016 atanga thlahnih chhung awh tur CrPC Section 144 hmangin Champhai District pumah lirthei keruk aia tam hmang chin tlan khapna thupek siam a rel. Meeting hi District Bawrhsap Pu Vanlalngaihsaka, IAS in a kaihruaia, Project Director DRDA, SE(PHE), Addl. SP, EE (PWD), EE(P&E), SDO(S), DTO leh BRTF thuneitute bakah NGO Coordination, Sub-Hqrs. YMA leh MJA Champhai aiawhte an tel.
Kawng chhiat avanga mipui harsatna tawh mek thlir chungin nimina DC hova meeting chuan October 5, 2016 atanga thlahnih chhung awh turin Champhai District puma hman turin CrPC Section -144 hmangin lirthei keruk aia tam hmang zawng zawng tlan khap na thupek chhuah turin a rel a. He khapna hian mipui mamawh, Essential Commodities Act in a huam chin phurtute erawhchu a huam lo vang. Hemi hun chhung hian BRTF te chu Khawzawl – Kawlkulh inkar kawng atanga tan in a tahtawla kawng thawm that hna chak taka kalpui tura ngen niin BRTF aiawhtu OC 74RCC (GREF) chuan meeting ngena hi tihlawhtling tura bawhzui nghal a tum thu a sawi.
Nimina meeting chuan mi thenkhatin leihlawn chunga lirthei an dah thin te, lung, balu leh thildang an chhek thin te chu ngaihmawhawm an tih thu sawiin BRTF leh PWD hotute chu hemi chungchanga khapna leihlawn tihah tar turin a ngen ngal.
Meeting-ah hian Seling-Champhai kawngpui chu March ni 4, 2014 khan National Highway – 6 ah puan a nih thu leh State PWD kuta hlan fel a la nih loh avangin Kawlkulh – Khawzawl leh Seling – Keifang kawng thawmthatna tura sawrkar laipuiin a sanction tawh, cheng nuai 3,261.38 chu hman theih lova a la awm thu tarlan a ni a. Phal chin aia rit phur lirthei in an zawh nasat avangin tun hnaiah kawng a chhe chak hle a ni.
ZOTLANGA PU H. THANGLUAIA IN A KANG :
Nimin chhun dar 12 vel khan Champhai Zotlang Pu H. Thangluaia In, Assam Type Chhawng hnih chu bungrua engmah chuh hman lohin a kang ral.
Pu H. Thangluaia te chhungkua hi mi 9 niin kang mei a chhuah lai hian Inah tumah an awm loh lai a ni a. kangmei a chhuak a ni tih hriat a nih rual hian thenawm khawveng a hria apiang tlan khawm nghalin thelh a ni a, a kan nasat tawh em avang leh mei hi a kal chak em avangin Fire Dept kang thelh motor thlen hnuahpawh thelh mih theih a ni ta lo a ni. Bungrua kangral hlut zawk hi Rs. nuai 6 chuang man hu vel ni a hriat a ni a. Champhai SDO (Sadar) Pachhuga leh BDO PC Zonuntluangi bakah YMA Sub-Hqrs. hruaituten In kanna hmun hi thlen gnghalin Champhai DC Vanlalngaihsaka leh CC Lalchhuangkima, PD, DRDA te chuan In kang senghawi hna leh sak that hnatlang neih tura thingpui in man tur an pek bakah DC Office atangin Silpauline pakhat pek an ni bawk.
Nimin tlai khan Zotlang VC leh NGO hrang hrangte bakah YMA hruaitute chu hmalak dan tur ngaihtuahin an thukhawm nghal a ni.
RALNA SUM HLAN :
Thawhlehni zan khan Tlangsam VC te chuan tui tla, nunna chan Lalbiakfela leh Lalngaihkima Fanai te ralna hun an hmang.
Kar hmasa Inrinni a Tlangsam VEC ten MGNREGS atanga Community Farm Pond an siama vanduaina tawk ta Lalbiakfela leh a nau Lalngaihkima Fanai te ralna hun an hmang a, ralna sum an hlan a ni.
COLLEGE ENDIK :
Nimin khan Mizoram University Inspection Team chuan Govt. Champhai College a Commerce Dept. an rawn endik.
Govt. Champhai College a Commerce Dept. endik tur hian Dr Haukhawlian mangte, Director College Development Council, Mizoram University; Prof Joyti Kumar, Dept. of Commerce MZU; Prof Robindra Singh leh R. Lallianzuala, Joint Director (IQAC) te rawn kalin anni hian an endik hna an rawn thawk a. heng inspection Team te hian vawiin hian Champhai chhuahsanin Khawzawl College an tlawh leh ang a, hemi hnu hian Aizawl an pan lehnghal ang.
FAINA HNATLANG :
Chhangphut Field chheh vel tifaiin nimin khan Bethel High School leh Vengsang High School te an hnatlang a. Chhangphut Field chheh vela bawlhhlawh awmte an tihfai bakah, thutna a patek leh tihfai ngai laite an tifai nghal a ni.
Hetihlai hian Champhai in Mizoram Premier League Round 7 thla thara a thlen turah ngawrh taka inbuatsaihna kalpui mek a ni a. CDFA hian Chhangphut Field hi hnatlanga a chei reng bakah mikhual lo thleng turin a inpeih fel thawkhat tawh bawk.
HOSTEL DAN ZIRHO :
Mizoram School Hostel Infrastructure Facilities and General Care of Students (Management) Rules, 2016 chu niin khan Champhai DEO Office Meeting Room ah zirho a ni a. School Hostel siam School a Principal leh Headmaster te kohkhawm an ni. Dan an zawm that leh that loh endik thin a nih dawn avangin dan zawm turin an inhrilh nghal bawk.
SCHOOL FAI :
State Level Committee chuan sawrkar laipuia Department of School Education & Literacy buatsaih, School Sanitation Awards, Swachh Vidyalaya Puraskar 2016 State Level Awward dawng turin Thawhlehni khan Mizorama School 31 an thlang chhuak a. Chung zingah chuan Champhai District atangin School 13 an tel a ni.
Chungte chu :
North Samthang p/s; Khuangthing PS; Kawlkulh PS III; Khawbung MS’ Zawlzei MS’ Fiaratui MS Vaphai; Khawbung KM MS; Thanchhuma Memorial HS; Rabung HS; Roseland PS; Bethel MS; Kanan MS leh Champhai HS te an ni.
VAWIIN DINHMUN :
MIZOFED POL (Tuialhthei) Ph :8414965293
(Mon – Sat :- 6:00 AM – 7:00 PM) (Sunday :- 12:00 Noon – 3:00 PM)
Petrol : Free Sale (Rs. 60.17/litre)
Diesel : Free Sale (Rs. 50.20/litre)
MIZOFED LPG (Gas)
(Vawiina an semna hmun)
Nil
Comments are closed.