Champhai District chhung Pradhan Mantri Garib Kalyan Anna Yojana (PMGKAY)
hnuaia hamthatna dawngtute hnenah May thla chhung atan Ration buhfai a thlawnin Quintal 4527.30 sem a ni.
May thla chhung atana a thlawna buhfai sem hi Antyodaya Anna Yojana (AAY) mi 10,121 leh Priority House Hold (PHH) mi 80,425 an vaiin mi 90,546 te tana sem a ni a. Mi pakhat tan Kg 5 zelin nimin atang khan semchhuah a ni. PMGKAY hnuaia hamthatna dawngtu
AAY leh PHH te tan hian June thla Quota pawh sem leh thuai theih an beisei tih Champhai DCSO Spencer Vanlalchhuanga chuan a sawi.
Covid-19 hripui lengin nunphung a tih khaihlak vanga chhungkaw khawsak harsa leh chhuanchham mai thei tam tak awmlai a, PMGKAY hnuaia ration buhfai a thlawna sem a ni hian mi tam tak harsatna tawk mekte a chhawk zangkhai ngei ang.
Comments are closed.