District Aids Prevention & Control Unit chuan Champhai khawpui chhungah World Aids Day pualin HIV kai leh kai lo inenfiah theihna hun an buatsaih mek a. He hmalakna hi ni thum chhung kalpui tur niin, nimin piah atang khan an kalpui tan a. Niminpiah khan Dawrkai kawnah hun hmangin, mahni inenfiahtir mi 13 vel an awm a. Nimin khan Vengthlang Presbyterian Biak In kawtah hun hmang lehin, mahni inenfiahtir mi 8 an awm a. Vawiin hian DK Traffic point-ah hun an hmang leh dawn a ni. DAPCY thawktute chuan mahni dinhmun hriat chian a pawimawh thu leh hetianga a thlawna inenfiahtirna hun buatsaih hi hmang tangkai turin mipui an sawm a ni.
Comments are closed.