Nimin atang khan Champhai District-ah Covid-19 Vaccine Dose hnihna pek tan a ni.
Nimin khan Champhai District Hospital-ah Vaccine Dose hnihna pek tan a ni a.
Vaccine Dose hnihna hi Healthcare Worker Vaccine Dose 1-na la tawh, mi 1,010-te hnenah pek tur a ni a, nimin khan mi 225 vel pek tum a ni.
Vaccine dose hnihna hi Zirtawpni-ah nimina pek hman lohte pek leh an ni ang a, a tum hnihnaah hi chuan Govt. Roseland School-ah pek an ni tawh dawn a ni.
Undivided Champhai District hnuaia PHC leh CHC-a thawk vaccine dose 1-na la tawhte pawh vawiin leh naktukah pek vek tum an ni a. Frontline Worker-te pawh vaccine dose 1-na pek mek zel niin, mi 308 pek an ni tawh a. Vaccine Dose 2-na pek leh Frontline Worker Vaccine Dose 1-na pek hi tun kar chhunga zawh fel vek tum a ni.
Vaccine la tawh zingah vaccine lak avanga harsatna lian tham nei an la awm lo a, vaccine lakin a ken tel taksa nawm loh leh khawsik tenau nei erawh an awm ve niin vaccine petute chuan an sawi.
Comments are closed.