A VAWIKHATNA ATAN CHAMPHAI-AH RIT CHAWI INTIHSIAK

Get real time updates directly on you device, subscribe now.

Champhai District-a a vawi khatna ni turin Inrinni khan rit chawi intihsiakna hun buatsaih a ni.
He hun hi Champhai District Body Building & Fitness Association buatsaihin VANIS ah hman a ni a. Mizoram Power Lifting Association atangin National Official 3 lo kal in, National Referee William B.
Vanlalfela hovin Promotion Tour neih pahin endik hna an rawn thawh sak a ni. Champhai District Power Lifting Championship ah hian Champhai District Body Building & Fitness Association hnuaia rit chawi thiam te an fuankhawm a, category hrang hrang 4 ah then niin, kg 59, kg 66, kg 74 leh kg 80 chunglam te-a thena inelna neih a ni.
Kg 59 category-ah K. Lalrinkima, Vengsang chuan chawi rit berin a chawi zawng zawng belhkhawm hi kg 360 a ni a, pakhatna a ni. Pahnihna Lalvenhima Vengsang chuan kg 320 a chawi thei a, pathumna Simon Lallawmawma Zion Veng chuan kg 310 a chawi ve bawk.
Kg 66 lamah Vanlalmawia Vengthlang chuan kg 355 chawiin pakhatna a ni a. Pahnihna, Vanlalenkawla Vengthar chuan kg 354 a chawi a, Lalfelpuia Chhangte Zotlang chuan kg 345 chawiin pathumna a ni.

Kg 75 ah B. Hmingchungnunga Kahrawt chuan kg 485 chawiin pakhatna a ni a. JH Lalnunsanga chuan kg 450 chawiin pahnihna a ni a; pathumna Malsawmtluanga Vengsang chuan kg 410 a chawi a ni.
Kg 80 chung lamah Vanlalrinkima Vengsang chuan kg 525 chawi in pakhatna a ni a. Remsangpuia Bethel chuan kg 470 chawiin pahnihna a ni a, Zorammawia Vengthlang chuan kg 400 chawiin pathumna a ni.
He Championship atang hian record holder pahnih awm nghal in Deadlift a kg 200 chawitu JH Lalnunsanga Zotlang leh Squat a kg 210 leh Bench Press a kg 125 chawitu Vanlalrinkima te an ni.
Champhai Body Building & Fitness Association hian September ni 6 leh ni 7 zanah CCN FUTSAL hmunah Strength War Competition, Champhai-a a vawi khatna ni turin an huaihawt leh dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More