Nizan hmasa khan Champhai Police te chuan Zokhawthar atanga Aizawl panpui tur, Herion ₹ Nuai 90 chuang hu an man.
Champhai Police te hian Chalbawia Junction check gate-ah Zokhawthar Maxi Cab an endik a, lirtheia chuang raltlan pakhat, Manthanga (44) s/o Seikama, Sanmiau Satawm, Myanmar kut atangin Herion Hawng 15, gram 184 an man a. Ruihhlo neitua puh hi ND&PS Act hmanga thubuai siam sak nghal a ni a, ruihhlo an man hi international market-a ₹ Nuai 92 hu vel a ni. Tunlai hian ruihhlo neitute hian raltlan te chu ruihhlo tawlh tur hian an hmang tangkai thin tih hriat a ni a, Raltlan pawisa nei lote chu sum leh pai tam tham tak tawktarhin, ruihhlo kengtu atan hian an hmang thin tih Police te chuan an sawi. Tun tuma an man tak Manthanga hi nikum March thla khan Mizoramah a rawn chhuk a, hna tahwh tur a neih loh vang leh sum leh pai a neih tawh loh avangin ruihhlo hi Myanmar pawisa Kyat Nuai 3 hlawha Zokhawthar atanga Aizawla ken tum a nih thu Police te hnenah hian a sawi niin thu dawn a ni.
Ningani zan dar 8:15 khan Champhai Police te chuan Chalbawiha Junction
Khankawn Police Check gate paltlang tur lirthei pakhat atangin Heroin Hawng 16 (Gram 207) a rit, International Market-a ₹ 1,03,50,000 hu leh a neitua puh Mansianthanga, Kaptel khua, Myanmar nia insawi chu an man bawk a.
Heroin neitua puh hi ND&PS Act tlawhchhana thubuai siamsak niin, Champhai District Court-a hruai a nih hnuah Ningani khan Lung Inah khung nghal a ni.
Comments are closed.