AFRICA VAWK NATNA CHAMPHAI-AH LENG NASA

Get real time updates directly on you device, subscribe now.

African Swine Fever leng thar leh vangin Champhai District chhungah Inrinni thleng khan Vawk 791 an thi a, Vawk 291 suat a ni tawh bawk.
Vawl Pul hri, African Swine Fever leng thar leh hian Champhai District chhunga khua leh Veng 19 a luhchilh tawh a. Ni hnih chhungin Vawk 109 thih belh leh in, Zirtawpni khan Vawk 59 thiin Inrinni khan vawk 50 an thih belh leh a. Ni hnih chhung hian Vawk 146 suat a ni a, Zirtawpni khan vawk 133 leh Inrinni khan 33 suat a ni.
Vawk hri leng thar leh hi Farkawn khua chuan tuarna berin Inrinni khan Vawk 30 thiin Vawk 13 suat a ni a, Vawk 140 an thi tawh a ni.
Vawk puk hri avang hian Zotlangah Vawk 115 an thi tawh bawk a. Ruantlangah Vawk 85, Bethel-ah 80, Vengtharah 71, Electric Vengah 69, Dilkawnah 46, Dintharah 45, Zion Vengah 34, Hmunhmelthaah 32, New Champhaiah 18, Kelkangah 15, Vengsangah 15, Buangah 12, Melbukah 5, Kanan Vengah 4, Venglai ah 2, Vengthlang North-ah 2 leh Zote-ah 1 an thi tawh a. AH & Vety Dept chhinchhiah danin African Swine Fever leng thar leh avang hian Champhai District-ah vawk 791 thi tawhin Vawk 291 suat tawh a ni a. Nikum lama ASF vanga thi nen. Champhai District chhungah Vawk pul hri vang hian Vawk 1,339 an thi tawh a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More