African Swine Fever leng thar leh vangin Champhai District chhungah Vawk 336 an thi tawh.
Nimin khan Champhai District chhunga African Swine Fever vangin Vawk 33 a thih belh leh a, Vawk hri leng hian nikum lamah Tiau Lui hnaih ramri dep khua leh Tuipuiral tlangdung lam a luh chilh khan, Vawk 548 an thi hman a. Nikum kum tawp lamah ASF hi a reh deuha ngaih a nih hnuin, nikum lama Vawk hriin a luh chilh loh Champhai khawpui chhung a luhchilh a. Champhai khawpui chhunga Veng 12 luh chilh tawhin, ASF hri lenna hmunah Veng 5 – Electric Veng, New Champhai, Dinthar, Zion Veng, Zotlang-te puan mek a ni a, Vawk 336 a thi tawh a ni.
Champhai khawpui chhung Veng 12 bakah hian Kelkang, Dilkawn leh Farkawn-ah te ASF vangin Vawk thi an awm thar leh tawh bawk a. Nimin khan DVO Champhai Dr. B. Lallawmsanga chuan tun hnaia Vawk thi awm thar lehna Farkawn khua tlawhin, khawtlang hruaitute leh vawk vulhtute chu ASF leng thar leh laka fimkhur turin a chah a ni.
AH&Vety Dept Champhai chuan African Swine Fever laka invenna, Bleaching Solution leh hypochlorite a thlawnin an sem chhuak a. Vawk hri leng a hluar leh tak em avangin an sem chhuak tam thei lo tih an sawi a. AH&Vety Dept Champhai chhinchhiah danin ASF avang hian nikum leh kumin chhungin Champhai District-ah Vawk 884 an thi tawh a ni.
Comments are closed.