Champhai North Bialtu Dr. ZR Thiamsanga, MLA, H&FW Board Vice Chairman chuan Inrinni khan a bial fan a zo fel ta.
Champhai North Bialtu Dr. ZR Thiamsanga, MLA hian tun thla ni 16 atang khan a bial fan a tanin a bial a fanna khaw hrang hrangah damlo thahnem tak enin, a thlawnin damdawi thahnem tak a pe nghal.
Health & Wellness Centre leh ASHA hrang hrangah an mamawh chi hrang hrang – Gumboot, PPE set, Covid Test Kit, Sanitizer, Mask leh damdawi thahnem tak a pe bawk. Inentir tura thingtlang atanga khawpui pan a harsat avangin Dr. ZR Thiamsanga bial fang hi a bial ten an hlutin inentir pawh an thahnem thei hle a, inentir zingah hian mi 3 te chu hmunpui zawkah enkawlna tha dawn tura tih a ni. Damlo te a en mai bakah hian zai tenau tih ngai mi 3 zai nghalin nau 1 a chhar bawk.
Champhai North A/C huam chhung hian Block 1 ah Unit 28 leh Block 2 ah Unit 13 an awm mek a. MLA hian a tlawhchhuak vek a, bial a fan chhung hian Block I&II hruaitu ten an tawiawm tha hle.
MLA hian Aiduzawl a lirthei chesual nunna chanta mi 6 te chu Rs. 5000 in a ral mai bakah Aizawl a phurh thlak mi 3 te chu Rs. 3000 in Hospital ah a kan bawk a ni.
Comments are closed.