Tualcheng khuaa Tlawmngai Pawl hrang hrang leh VC te chuan tun thla, September ni 14-a an khaw ram chhunga tual thihna thleng chungchanga kut thlaktua puh chu an khaw ram leilung rap tawh lo turin an hriattir.
Tualchenga Tlawmngai Pawl hrang hrang leh VC te chuan thuchhuah intawm siamin, September ni 14 zana Tualchheng khaw ram chhunga tualthihna rapthlak tak thleng chu pawi an tih thu sawiin, rawng taka tual thattua puh C. Lalchhuanawma chu Tualcheng ram leilung rap tawh lo turin an hriattir a. Rawng taka tualthahna thleng chu an khawtlang chuan an demin an haw tak zet tih an sawi a.
Tualthattu a puh C.Lalchhuanawma chu a thil tihsual phu tawk anga hrem ngei nise tih chu an duh dan a ni, an ti a. He tual thihnaa rilru na zawng zawng te, nunna chan ta Pu Zunzapauva chhungte leh Khawmawi
kawtlangte chu Tualcheng khawtlang chuan an tawrhpui tak zet tih an sawi bawk.
Comments are closed.