Champhai Police ten ATM rawk tum, mi rawk ching (habitual offender) an man.
June 29 zing dar 1:21 AM vela Command Centre, Axis Bank, Mumbai atanga an thudawn bawhzui nghal in Champhai PS team te chuan Axis Bank ATM Booth, Champhai Vengthlang, YMA Run bul ami chu rang taka pan nghalin, ahmun an thlen chuan, ATM Vault chu kar chhiat leh data cable tan bunin an hmu a. CCTV footage uluk taka endik leh enfiah nghal in, darkar ruk lek chhungin police team te chuan he thila inhnamhnawih nia rin K. Malsawmtluanga (38) s/o K.Lalchhanhima, Keifangtlang chu man in, a kut atang hian a hmanraw hman ‘ring wrench’ leh ‘sockets’ te pawh hmuh a ni bawk. He thil chhuizuina leh a inpuanna atangin, Champhai PS hnuaia In rawk (burglary) case dang tam takah a in hnamhnawih bawk tih hriat niin, vawiin lamah a thilruk ‘tablet’ pakhat hmuhlet a ni tawh bawk.
He thil hi chhuizui zel niin, a thilruk dang pawh hmuhlet beisei a ni.
Comments are closed.