Kum 2021-2022 chhunga Horticulture Department, Champhai District hmalakna AES of Other Fruit Crops under MIDH 2021-2022 atana balhla chi semchhuah zinga a chhia awm te chu nimin khan a chi thaa thlak leh vek a ni.
K.Zonunsanga, ADHO Champhai hnen atanga thu dawn danin Kum 2021-2022 chhunga Horticulture Department, Champhai District hmalakna AES of Other Fruit Crops under MIDH 2021-2022 atana balhla chi semchhuah zingah, a chi tha lo a awm ngei tih Tlangsama sem chhuah zingah hmuh chhuah a ni a. ADHO hian Balhla chi supply-tu Lalthangzuala chu May ni 4 ral hmaa a chi thaa thlak leh vek turin a hriattir a. Balhla chi supply tu hian nimin khan Balhla chi tha hi DHO Champhai Office-ah phur thlengin, nimin khan balhla chi chhia dawngtu chhungkaw 24 te hnenah sem chhuah leh nghal a ni.
Balhla chite hi Tlangsam bakah Zote leh Samthang Block-a sem chhuah tur pawh DHO Office atangin phurh chhuah nghal a ni bawk.
Comments are closed.