BAWLHHLAWH PAIH KAWNGA PALAI HNA THAWK TURTE INHMUKHAWM

Nimin khan R.Lalnunkimi, DUDO Champhai chuan faina kawnga hmahruaitu leh midangte huikhawma faina leh thianghlimna kawnga hmahruai tura ruat veng hrang hrang Ambassador-te chu I&PR Conference Hall-ah meeting a neihpui.
He hunah hian faina hapta hman meka hmalak tawhna leh hmachhawp te, Azadi Ka Amrit Mahotsav, Mizoram Khawpui Fai Intihsiakna 2021 leh Swachh Survekshan 2022 neih tura hmalak dan turte rel a ni a, Champhai khawpui fai leh thianghlim siam tura dan siam Champhai Solid Management Bye-Laws 2020 chungchangte zirho a ni.
Faina leh thianghlimna kawnga khawtlang tana hnathawk tha leh mipui huikhawm leh zirtira hneh thei tur, khawpui chhunga VC pakhat huam chhungah Swachh Bharat Mission-Urban Brand Ambassador tur pakhat theuh thlan an ni a. Champhai khawpui ah chuan heng mi 19 te hi ruat an ni :
Lalrinmawia Hmar, Venglai; C. Lalrinawma, Zote; K. Zamani, Hmunhmeltha; C. Lallawmzuala, Vengthlang North; H. Laldinliana, Tlangsam; H.Vanlalfela, Zion Veng; JC Lalrammawia, Vengsang; K.Khawlvuana, Zotlang; Tlanghruailiana, Electric Veng; C.Lalrochhara, Ruantlang; P.Lalhmingliana, Kahrawt; K. Lalfakzuala, Vengthlang; KC Lazarliana, Vengthar; JH Lalremruata, Dinthar; Raymondy Ramfangzauvi, New Champhai; Lalramliana, Ruantlang Mualveng; Ramparmawia,
Kanan; Lalfakawma, Jail Veng leh Nangdova, Chhungte te an ni. Heng bakah hian Notified Town Area, Farkawn atangin Local Ambassador 1 ruat a ni bawk.
Local Ambassador tura ruatte hi District/Town level-a Azadi Ka Amrit Mahotsav, Mizoram Cleanliness Week leh Mizoram Khawpui Fai Intihsiakna 2021 bakah Swachh Survekshan 2022
inbuatsaihna leh chet chhuahna reng reng, faina kawnga Department hmalaknaah Department puibawmtu ber an ni dawn a.
Ambassador-te hian in tina bawlhlawh thliar (Source segregation), Swachh Bharat Mission Urban hnuaia Community Toilet/Public Toilet fai leh fai loh endikte chu an mawhphurhna a ni ang a.
Khaw chhung/ veng chhung tuiluan kawr leh kawngdung fai leh fai loh enthlithlai bakah faina kawngah mipui huikhawmtu leh zirtirtu, a tul anga dan lekkawh a nih theih nana hmalatu an ni dawn a, an term tawpah lawmman (honorarium) pek theuh tum an ni.