Bawrhsap hovin India hnehna ni lawm

Get real time updates directly on you device, subscribe now.

India ram hmun dang rualin nimin khan Vijay Diwas (Hnehna Ni) chu DC Conference Hall, Champhaiah Bawrhsap Maria CT Zuali hovin lawmna hun hman a ni. He hunah hian Obed Lalmalsawma, DSW&RO; Ex
Service Leaque hruaitute leh DSW&RO Staff te an tel a ni.
Vijay Diwas hmanpuitu Maria CT Zuali, DSW&RO Chaiman chuan Sipai Pension te chu, an service hun chhunga nunna chan lova dam taka vawiin thlenga hun an la hmang thei chu a lawmpui thu a sawi a. Ram tana an that lai hun zawng zawng hmang ral a, nunna thapa hna thawk an nih avangin Sawrkar laipui pawhin a duhsak thu sawiin, an pension hnuah pawh sawrkarin hna hauhsak a la nei leh zel tih a sawi a. Bawrhsap chuan Sipaia an tan hun chhung zo tawh mah se, ram an hmangaihna erawh pension san lo tura ngenin, ram hmangaihna rilru la pu thar zel turin a beisei tih a sawi bawk.
He hunah hian inkawmhona hun hlimawm tak hman a ni a. Sipai pension-te hian District Bawrhsap hnenah hian Champhai District chhungah Recruitment Rally leh Pre-recruitment a awm theihna tura hma la turin an ngen a ni. Vijay Diwas (Hnehna Ni) hi kumtin December 16-ah India ramah hman thin a ni a. Hemi ni hi India sipai ten 1971 kuma India leh Pakistan indo tuma Pakistan laka hnehna an chan ni leh
tunhmaa East Pakistan, tuna Bangladesh lo ni ta rawn pian chhuah ni a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More