Get real time updates directly on you device, subscribe now.
Nimin khan Champhai District Bawrhsap Maria CT Zuali leh line department Official-te chuan Bulfekzawl khua tlawhin, khaw tihhmasawnna tur leh leilet phaizawl tangkai taka an hman theihna tura hmalak theihna tur kawng hrang hrangte VC, NGO, Water Users’ Association leh Farming Societies-te, BNRGSK Bulfekzawl-ah an sawipui.
Bawrhsap chuan, Champhai district-ah leilet zawl tha tak tak eng emaw zat a awm thu leh leilet phai, terrace leh buh leh thlai chinna hmunte humhalh a, tangkai taka hman a nih theihna tura tanlak a tul thu a sawi bawk. Bawrhsap chuan mipui sum leh pai dinhmun leh khawsak tiziaawm tura tanho a ngai tih sawiin, Covid-19 vanga intodelh lohna lo lang chu inzir tharna atana hman ni se, a ti a.
Mahni khaw bil eikhawp chauh ngaihtuah lo a, hmun dang thlenga thawnchhuah thama tam thar thei tura taimak chhuah a ngai a, mithiamte rawn chunga ram leilung mil zela hmalak a tul a ni, a ti bawk. Lalzorama SE, P&E; R.Lalnghakliana, PD, DRDA; George Lalthanngura, DAO; Laldingliana Hrahsel, EE, I&WRD Champhai-te pawhin thu sawiin, hmalakna hrang hrang awmte an tarlang tel bawk.
Comments are closed.