Bawrhsap in Laili Phai a loneitute a hmunah tlawh

Get real time updates directly on you device, subscribe now.

Champhai District Bawrhsap Maria CT Zuali leh line department hotute chuan Tiau kama awm Laili Phai chu nimin khan tlawhin, leilet phaizawl tangkai lehzual hman a nih theihna tura mamawh leh hmalak theihna tur kawng hrang hrangte VC leh Loneitute nen an enfiah.
Maria C.T Zuali chuan Loneitute tan Champhaia kala Office dawr a harsat avangin a hmuna kalchilha Loneitute
hmalakna enfiah an ni tih a sawi a. Champhai District chhunga leilet phai awmte tangkai taka hman a nih theihna turin line department hrang hrangte tang hova hmalak tum a ni, a ti.
Hnahlan atanga Laili Phai panna kawng, FOCUS Project kaltlanga siamthat tur chu enfiah hmasak a ni a. Laili Phai chawmtu ber Tuilak Lui
Minor Irrigation Project hmanga tuilakna pawh enfiah nghal niin, Loneitute chu a chhawr tangkaitu an nih angin a enkawl leh venhim kawngah tan la lehzual tura chah an ni a. Blue Revolution hnuaia Sangha khawi mi 3 te hmunhma pawh enfiah a nih bakah Pradhan Mantri Matsya
Sampada Yajona (PMMSY) kaltlanga Sangha dil siam dilte pawh enfiah nghal a ni bawk.
Heng bakah hian Leilet phaia thlai chinte ran laka a him theihna tura a
hungna siam dan tur te, leilet bial te lutuk thiata tihlen dan turte enfiah nghal a ni a. Loneitute chu an hnathawhna hmunah kalchilhin mamawh leh harsatna an thlente
mithiam ten an enfiah a, tuilakna pipe mamawhte chu DAO in pek an nih tur thu a hrilh bawk.
Fostering Climate Resilient Upland Farming Systems in the North East
(FOCUS) project hnuaiah Hnahlan khuaah thlasik thlai ching tura hmalak a ni a, FOCUS WRC FIG member chhungkaw 110 te Zikhlum,
Parbawr leh Tomato chin tir an ni. Champhai district chhungah Hnahlan Circle chu hetiang thlai hi ching tura thlan an nih avangin FOCUS District Project Manager George Lalthanngura, DAO Champhai chuan thlan bik an
nihna angin hlawhtlinpui ngei tura theihtawp chhuah turin a fuih a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More