BAWRHSAP IN OFFICER TE MEETING NEIH PUI

Get real time updates directly on you device, subscribe now.

Champhai District Bawrhsap thar James Lalrinchhana, MCS chuan nimin atang khan Pisa a kai tan a, DC Office-a Officer-te meeting a neihpui bakah Office dinhmun leh tul angte a enfiah.
Bawrhsap chuan Officer-te chu an rawngbawl sak mipui tan theihtawp chhuaha nuamti taka thawk turin a fuih a. Office leh a vel vawnfai leh nundan mawi, inthunnunna tha tak nei chunga hna thawk tur te leh thawh hona tha tak, inpawhtlang leh inrawnkhawmna nei chung zela hmalak ho a pawimawh thu a sawi a. Official-a chet chhuahna leh chet velnate inhriatpui tawn fo thin a tul thu pawh a sawi bawk. Meeting zawh hian Bawrhsap hian DC Office peng hrang hrangte tlawh kualin thawktute a kawm kual bakah, hmalakna tul leh mamawh angte a enfiah a ni.
Ruahman lawk dan chuan District Bawrhsap hian vawiin chawhma dar 11 hian Mizoram Journalists’ Association, Champhai District member-te kawmna hun a nei dawn a, naktuk chawhma dar 11:00 ah Department hotute meeting a neihpui dawn bawk a ni.
James Lalrinchhana hian Champhai District Bawrhsap hna a chelh hma hian Director, Mizoram Sawrkar School Education hna a chelh a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More