BAZAR TURA SAK MLA IN HAWNG

0

Get real time updates directly on you device, subscribe now.

MLA Fund Rs. 13,00,000/- (cheng nuai sawm leh pathum) kaltlanga Ngur Bazar Shed leh Model Village Office, Ngur Village Development Committee-te sak chu nimin chawhnu khan Health & Family Welfare Board Vice Chairman Dr. ZR. Thiamsanga, Champhai North bialtu MLA ni bawk chuan chuan a hawng.

Hawnna hunah thusawiin Dr. ZR. Thiamsanga chuan a bial chhung Model Vilage Ngur khuain Bazar Shed tha tak leh Model Vilage Office thar tha tak an nei  thei chu lawmawm a tih thu a sawi a. Ngur Village Development Committee in cheng nuai 13 senga building tha leh changtlung tak an sa thei chu fakawm tiin, khawtlang tana chhawrnahawm tak tur sak kawnga an inpekna fakawm a tih thu a sawi a ni.
Land Development atana District pahthum zinga khaw thlanah a bial chhung khaw pahnih Hnahlan leh Ngur te an tel thu sawiin, Ngur khaw ram hausakna lachhuak thei tura bultana hmachhawp tam tak neih tum a ni, a ti a. Model Village cheimawi nan in chung rawng inang veka hman, faina, hriselna leh khawchhung tawt lutuk tur ven kawnga hmalak hmasak a tul thu a sawi a, a tahtawlin a dangte pawh ngaihvena hmalak zel tum a nih thu a sawi bawk.

Nimin a hawn tak Ngur Bazar Shed leh Model Village Office hi building pakhata awm niin, chhawng hnuai zawk hi Bazar Shed atana hman niin, a chung zawk hi Model Village Office atan hman a ni.

Model Village Committee hnen atangin khawchhung cheimawi nana an hmalaknate ngaihthlak niin, khawchhung cheimawi nan rawng kahna khawl leh tul dangte lei tawh a nih thu leh faina hnatlang neih dante  ngaihthlak a ni.

Dr. ZR. Thiamsanga hi Pu Obed Lalmalsawma, SDC leh Dr. Lallawmkima DIPRO ten an tawiawm a ni.

Leave A Reply

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More