Final-a inkhel Bethel FC leh Vengthlang FC te hi Pool match-ah inkhel tawh a, pool match-ah khan an inhnehtawk.
Final match tan atangin inkhel a hmuhnawm a, team pahnih te an innawr tawn zak zak a, Min 18-naah Lalrovula’n penalty hlawhchhuakin Vengthlang tan Isaac Lalrinngheta’n goal-ah a chan tir a, Penalty an chawi danah Bethel FC lam an lawm lo hle.
Min 33-naah Vengthlang bawkin goal an khung belh leh a; Corner atanga ball lo kal chu buai nuaih nuaih karah Lalrovula’n mar zetin goal-ah a pet a, Bethel keeper-in a dang hman lo. 1st half-ah goal dang a luh belh lo.
2nd Half-ah pawh team pahnihin inkhel hmuhnawm tak kotlang mipuite tan an chhawpchhuak a, Bethel FC in striker hriam tak an neih loh an tuar a tih theih ang. Min 84-naah Bethel FC in Box pawn hretah Freekick an hlawhchhuak a, hei hi C. Lalhriatpuia’n petin lei hrulah a kal a, mawi takin goal-ah a lut.
Bethel FC tan an siphurh sut zo turin hunin a daih tawh lo. Hun a tawp a, Vengthlang FC-in 2-1 hnehna changin an champion ta a ni.
Best Player – Isaac Lalrinngheta, Vengthlang FC
Top Scorer – C. Lalhriatpuia, Bethel FC (Goal 4)
Most Promissing Player- Robert Thanghmingsanga, Vengthlang FC
Fair Play – TMFC Melbuk
Comments are closed.