DAMLO
4Pu H.Lalnunenga Ex-President chu ni 22.10.08(Nilaini) khan awmna avangin Champhai Damdawi inah dah luh a ni a, ni 25.10.08(Inrinni) khan dam takin an lo chhuak.
4Vanneihtluanga S/o Thangthanga V-Sec. chu tuiso in a taksa pangkhing veilam ni 24.10.08 (Ningani) khan a buaka, tunah hian Champhai Damdawi inah enkawl mek zel a ni.
4Paulianthanga S/o Kapzoliana V-Sec. chu kawthalo santen avangin Champhai Damdawi inah enkawl mek zel bawk a ni.
4Lalrinawma S/o Saihmingliana Sailo V-Sec. chu khawsik avangin anmahni chenna inah enkawl mek bawk a ni.
NAUTE NEI THAR
Pu Thawngzamuana N-Sec. te chuan ni 21.10.08(Thawhlehni) khan Champhai Damdawi inah fanu thar duhawm tak an nei.
Lalchhuanliana S/o C.Vanlalmanga V-Sec.te chuan fanu thar duhawm tak an nei bawk.
Pu.B.Lalramnghaka S/o B.Hranghlira T-Sec. te chuan Aizawl Damdawi inah fanu thar duhawm tak an nei bawk.
FAM CHANG
Pu Peter Liankhawhauva F/o Pausuangina (K- 80 ) N.Sec.chu pumna avangin ni 19.10.08(Chawlhni) khan an mahni chenna inah a boral a, ni 20.10.08(Thawhtanni) khan thlanmual no.1 ah vuiliam a ni.Khawhar chhungte Editorial Board ten kan tawrhpui tak zet a ni.
ZIN
Kan Editor Pu Vanlalpeka chu an nu nau nei tur thlahin Aizawl ah a cham mek a, kan News Ed. Tv.Lalengkima pawh a ke Tripper chilna doctor thiamte entirin tun ah Aizawlah hian a cham ve mek bawk.Tun kar chho hian an lo haw ang.
MPF COMMITTEE
Bethel MPF Local Unit te chuan ni 23.10.08(Ningani) zan khan kan hmaa inthlanpui awm tur chungchangah Committee pawimawh tak an nei a, Pu.Roliana in chung chu Information Office atan an ti a ni.Tin, vengchhunga Kohhran hrang hrangah leh NGO hrang hrangah Budget an siam bawk.
HRIATTIRNA
Bethel Sub Centre thlang kawrah bawlhlawh paih thin kan awm a, a bul hnaia mitan leh Anganwadi-a naupang tan leh Sub Centre-a kal thin te tan hriselna atan a pawi theih phah a, chuvang chuan tun hnuah he lai hmuna paih thin a bul hnai a miten paih tawh lo turin kan in hriattir a ni.
SA ZO
Anganwadi Centre no.21 Sub Centre bul a mi chu ni 23.10.08(Ningani) khan sak zawh a ni ta a, hnatlanga chhuak thin te chungah leh a bik takin Mistiri thawkchhuak chungah te lawmthu an sawi takzet a ni.
HNATLANG
Neuva Section te chuan Section sum tuak nan ni 23.10.08(Ningani) khan Sangha zawrh hnatlang an nei a, hnatlanga chhuak zawng zawng chungah leh tlawmngaia lo lei sak tu zawng zawng chungah lawmthu an sawi tak zet a ni.
KAL VE
YMA inkhawmpui lian vawi 63-na Serchhip a neih zawh takah kan Branch atangin Pu Vanlalhriata Br.Treasurer, Pu R.Lalhmunsiama Asst.Secretary, Pu.B.Lalthanzauva, Tv.Kenneth Lalthanzauva, Nl.HT.Lalnunsiami, Nl.Zaiiremthangi, Nl.Mary Lalruatfeli D/o M.Tlanghmingthanga, Nl.Zonunpuii D/o C.Lalpiangthanga te an kal a, ni 24.10.08(Zirtawp) zan khan dam takin an lo thleng.
DAWNG DAWN
Kum engemaw chhung kan Branch in YMA Library ah lehkhabu kan dawn tawh loh hnuin lehkhabu Library tan kan dawng thar leh dawn.Lehkhabu chhiar thin tan ngaihven vat vat chi a ni ang.
LAWRKHAWM
TANPUI
Primary Schhol VI chuan hmannia lei minin an in a hnawl Pu Bawia tunu Lalremchhingi Pawl thum zirlai chu an Sikul-a a kal avangin naupang te leh zirtirtu ten an pawisa thawhkhawm Rs.1000/- chu an hlan.
GAS SEM
Ni 23.10.08(Ningani) khan Kawnah Gas sem a ni a, sem khat deuh vang nge ni, la kan tam in chang lo an tam hle.
TIFAI ANG
Thlanmual no.1 leh no.2 a chhungte thlan awm zawng zawng la sam fai lo ten a rang lama kan chhungte thlan leh a vel te ti fai theuh turin kan in ngenin kan in hriattir a ni. A hnim tawhin a then phei chu hmuh theih tawh lo hial te a awm tawh ani.
RUANG CHHUAK
Ni 21.10.08(Thawhlehni) khan kan veng atangin Ngosianpianga(K-9)S/o Chingdoluni, Ngur khua chu Accident avangin a boral a, a ruang hi Pu Haudala V-Sec. te inah chawlhpui niin, kan Branch in kuang tum sakin thlah liam a ni.
MEDAL LA
Nl. Lalhumliani, Pi Chalnghillovi tunu V-Sec.chu Mizoram Team aiawhin Punjab-a Taekwondo championship neih zawh takah Bronze Medal a la a, kan lawmpuiin hetiang Veng mai bak Mizoram ti hming thatu kan nei hi kan chhuang tak zet zet a ni.
Tunlai Bethel
Kan khua lah chuan kan thu loh zia lantirin a duh duh hunah Ni leh Ruah min hmuh tir chhawk reng a, mahse Siamtu remruat a ni tih hriaiin tumah pawn kan sel tawh lo a nih hi. Amaherawh chu thlasik rim lam erawh chuan chuan he vengchhungah hian min hruialut zel zawng nih bawk hi…….!
A hmeh tur lamah chuan mitin te kan hnianghnar lai ni- mahse ei theiha min chhawp chhuah sak tu GAS harsatna chuan zia awm lam a la pan thei rih loh avangin in tam takah Meihawl thuk nena tangkawp pawh kan tam namen bawk niin a lang. Mahse nghak thei leh dawh thei hlawm tih takah nghah chhuah hun changin beidawng lovin kan la awm fan fan tlang hlawm bawk.
Chutih laiin In ban phun tam ta reng ah chuan a hruai lut pawl leh a khuandim pawl lah kan in dawt zut reng bawk. Mahse a awm ve reng a lawm Siamtu min siam chhan ni miau hek le………..!
Lehlamah natna tihbaiawm tak tak te chuan in tam takah chhungkaw Lalpa ang maiin ro a la rel chhunzawm zel a, kan ei leh in, kan khawsak phung pawh kan fimkhur tlan a tul hle niin a lang bawk. Faina pawh kan ngaihna tan viau reng niin a lang bawk….!!!!!
********************************************************
KHAWMPUI REPORT TLANGPUI
Khawmpui nghahna hmun hi Serchhip ani a, pandal hmingah MIZO INPUI tih a ni a, A len zawng hi a dung 180 avang 120 feet a ni a. Pandal chei tur hian Pulak Decorator (Silchar) te chu Rs 250000 a rawih an ni. An ni hian Decoration bakah Stage a dah tur chair an tum vek bawk a ni. Tin Power Generator (7.5 KVA) an chhawp bawk ani.
Kum dang aiin khawmpui palai kal an tha hnem lo deuh a, a chhan ni a lang chu Zaipawl an rem bakah, abikin Aizawl a mite an zaihun tur rawn nang chiahin an zai zawh veleh an haw leh thin vang te, tin kumpuan awm tawhlo tur hi mite thinlungah nasa takin a nghawng ni berin a lang. Kumdang aiin a boruak a nguai deuh a mi chu aw a tih theih.
Hengte hi rorela tel te an ni:-
(1) CYMA OB-6. (2) CEC-33. (3) CYMA OB hlui-5
(4) YMA Sub-Hqrs OB-19. (5) YMA Sub-Hqrs. thumhmun branch-163. (6) Group-237. (7) Aizawl khawpui Branch-296. An vaiin rorel palaite hi 759 an ni.
Conference ah hian YMA khawih leh Sawrkar khawih thil chi hrang hrang sawi ho bawk a ni a. Kan thalai nula leh Tlangvalte in chei dan ah te Mizo nun zemawi chhawm nung leh tur leh Tlawmngaihna Vawng nung zel turin an in chah bawk a ni. YMA dan pui (YMA Constitution) siam that ngaite ennawn ni rawh se tih te, Sawrkar hnalak thin ah a tling leh tlakte chauh lak an nih theih nan sawrkarah thlen ni se tih te, Saitluk Aiport ( Lunglei District a mi, Lunglei khawthlang lam Km 25 vel ami) tih pui tlin anih theih nan Mizoram sawrkar ah ngen ni rawh se tihte chu lung rual tak in an pawm.
Rorel palai in kawmah hian zaithiam tam tak ten an awi renga, kan branch atanga kal Nl. Zairemthangi T.sec Pawh Conference chhung hian Vawihnih, mikhual lawm zan leh a tawp zan ah te a zai a kan chhuang hle. Conference ah hian thutha tak tak ngaih thlak a niin member ten hlawkthlak an ti hle a, zaithiam mai bak ah fiamthu thiam ten an awi reng bawk a ni. Ram tan leh khawtlang tan thil tha tak tak sawiho na neih bawk a ni a, a kal ten nuam an tiin an kham lo tlang hle bawk.
Nakumah kum puan nei tawhlo mah ila Ruihhlo do chu theih tawp a member ten bawhzui zel turin an in chah bawk a ni. Chuvangin ruihhlo do na kawngah tunaia nasa tan la theuh turin YMA member te leh chhung tin te kan in ngen in kan in sawm bawk a ni.
************************************************************
lawmthu sawina
YMA General conference Vawi 63-na Serchhip a Mizo Inpuia neih zawh tak ah lawmthu sawi tur tam tak kan nei a, Tlawm ngaia Palai kal chhuak zawng zawng chung ah te, Kanna tua Motor man tlawm taka min hman tirtu Pu Lalbiakkunga Pachuau chungah te leh kan Branch tleng tura min lo hauhtu kan vengpa hlui Pu Lalfakzuala J.E PWD chung ah te lawm thu kan sawi bawk a. Tin, Nula/Tangval Nu leh Pa te chung ah pawh an fate phal taka an kaltirna ah te leh Branch YMA in kal man leh thildang ah a tumsemna ah te lawmthu kan sawi mawlh mawlh a ni e.
Sd/-
Secretary,
Bethel Br. YMA
**************************************************************
(mhip thu chhuak)
tHE mIZO DIVORCE ORDINANCE 2008
An Ordinance
Mizo Kristiante zinga inthenna leh in neihna leh a kaihhnawih chunmgchanga dan siamna atan a ni.
Indian Divorce Act. 1869 chu Assam Frontier Regulation 1888 tlawhchhana Mizo Hills District ( Tuna Mizoram lo ni ta) ah hman loh tura Assam Governor in a tih avangte, Scheduled District Act 1974 emaw Govt. of India Act 1935 emaw avanga he District a hian hman loh tur a nih avangte, Innei leh inthen chungchanga Perliament dan siam reng reng te chu February 20 1987 hma a lo hman tawh a nih loh chuan, Mizote tana hman loh tur India dan puiin atih avangte.
Kohhran dan emaw Mizo hnam dan emaw dan dang emaw hmanga Mizote inthenna leh inneihna leh a kaihhnawih chungchanga dan siam a hun tawh avangte, MLA rorel inkhawm lai a nih loh avangte in India danpui bung 213-na in thuneihna a pek ang in Mizoram Governor chuan a hnuaia dan Ordinance hi apuang a ni.
Bung I na
preliminary
1. A hming a huam chin leh hman tan hun.
(a) He dan hi Mizo Divorce Ordinance 2008 tih ani ang.
(b) Lai, Mara leh chakma autonomous District tih loh ah chuan Mizoram State puma hman tur a ni.
(c) Mizoram Gazzette-a chhuah anih atanga hman tan tur a ni ang.
2. Sawifiahna:- He danah hian a thil tum nen in kalh lo a ni chuan .
(a) Nupa tih hi Kohhran dana Biak In a in nei emaw Mizo hanm dana innei nupui leh pasal tihna a ni.
(b) Court hi Sub-Ordinate District Council Court emaw tihna a ni.
(c) Court Thu tlukna: In khinna/thubuaia thil tel zawng zawng emaw a then a zar emaw a inkhingte chanvo tur he dan anga Court in a rela a puan chhuah tih na a ni.
(d) Tlanbosan: Thubuai thehluttu duhdan lo anga tlanbo san tihna a ni.
( Karleh ah a chhun zawmna ti h chhuah a ni ang.)
*****************************************************************
BYMA Shotgun
CONFERENCE KAL TE PUALIN
U Ka duh chuan engtik lai pawhin Thingdawlah kan awm thei. In rin ang hi ka ni lo. In awi loh chuan Ma Kenneth-a zawt rawh u. a hre chiang khawp mai.Tlat mai a!
……..Nl. Manuni T-Sec.
U Kan Branch YMA OB te hi ka kawk kawi thei viau emaw ka ti a, mahse Vengsang OB te khi an ni ai chuan ka la kawk kawi thei fe zawk. Kal kawnga ka Phone ri reng kha chu ka in thiam lo ve khawp mai.
…..Nl. Siami V.Sec.
U Kan thlen tirh kha chuan Party Flag in tar ah khan ka buai tep a, mahse ka kal chhan a ni lo tih ka hriatin ka in control thei leh hram a ni. Kum tin kal ka tum tawh tih ka puang nghal e.Mahse duh aiin kan thlen inah khan darthlalang a tlem deuh a ni. ……Nl. Mary Ch-Sec.
U Palai thlah zana Serchhip in chhawng chung step bul kha chu engtik kumah mah hian ka theih nghilh thei tawh dawn lo a ni.Ka lung hi a van leng ngawih ngawih tak em. HUI Haaaaa……!!!!!!!
…….Tv. Kenneth-a V-Sec.
U Ka zu tlangval Siniar tal ve hual hual rih ngawt mai. Thenkhat te chuan an la awi tho a nia.
…….Br.Asst. Secretary.
U Pu Hmun, Kolosib aia Darlawnin khawmpui thlen an dil a, vote khat chiaha an chak na chhan kha kan vengah hi chuan min sawisak lul suh aw.Tun thlengin ka rilru a la nuam thei lo a nia.
…….Br.Treasurer
Comments are closed.