Inrinni zing kar khan Champhai District Park Committee chu an Chairman Maria CT Zuali, Champhai Bawrhsap hovin an thukhawm.
District Park Committee hi Mualkawi khawtlang hruaitute nen an thukhawm a, thutkhawm hi Working Chairman Lalnunmawia’n a kaihruai a. Committee Chairman, Champhai District Bawrhsap ni bawk Maria CT Zuali chuan kan thil neih leh hmun mawi tak takte hi keimahni ngeiin kan ngaihhlut loh chuan a daih rei tak tak lo a ni, a ti a. A chei thatna tur pawisa awm ringawt mah se, kan tuipui si loh chuan thil ropui takah a chhuak thei dawn lo, a ti bawk.
Maria CT Zuali chuan District Park, Hringlang tlang chu a enkawl dan leh a cheibawl dan phung thlak a nih loh chuan ngai kan awh rei tawh lutuk a. Hmasawnna hna kan thawh dawnin buana hmaa kan kherh nasa lutuk thin hian hmasawnna hna a ti thuanawp fo tih sawiin kan rilru a inpeih tak tak a ngai a ni, a ti a. Kan thil hlu, kan history pawimawh tak takte hi sum lakluhna atan kan hman thiam a ngai a ni, a ti bawk.
He thukhawmah hian District Park, Hringlang tlang chu cheibawl a nih theihna turin ko thlak a, a enkawltu turte tihdanglam thaa an hriat thu sawiin, hmalak zel dan tur hi zau zawkin DC Conference Hall-ah vawiin hian sawiho leh ni se, an ti.
Comments are closed.