Tunlai hian Champhai zawla loneitute buh thar hma pawlte chuan buh an seng mek a, a thar hma zual mi thenkhat te chu an pawltla fel tawh a, buh zai mek an awm bawk. Hetihlai hian buh thenkhat phun tlai deuh te erawh chu ala hmin lo thung a ni.
Buh seng tawh zinga thenkhat ten mihring tha hmanga buh an zai leh an seng laiin khawl hmanga buh zai leh vua an awm nual a, khua in a bumro anih loh chuan November thla tir lamah buh seng runpui tak tak hi a thlen rin a ni.
Kumin hian ruahtui a tlak har avangin a hun takah buh phun thei an awm mumal lova, hei hian buh thar kawngah nghawng a nei dawn em tih erawh hriat ani rih lova, buh thenkhat erawh chu kumdang aiin a rah a tha thung a ni. Hetihlai hian buh an thar chhuah te phurh chhuahna tur kawng siamin Tlangsam zau a loneitute chu vawiin thlengin anla hnatlang chhunzawm zel a, loneituten pawisa an thawhkhawm hmanga lung an lei te chu kawngah hian an phah, kumtinin kawng hi an siam thin tih loneitute chuan an sawi.
Comments are closed.