Champhai District-ah AAY Ration Card nei chhungkua 1855, PHH 8741 leh Non-NFSA 6801 an awm mek a, PMGKAY (AAY leh PHH te tana mi pakhat zelin buhfai kg 5 a thlawna an dawn thin) kaltlangin May – September 2021 thlengin buhfai kg 11,825.65 sem chhuah a ni.
Hei hi tunkar Thawhlehni-a DISHA thutkhawmah tarlan a ni a. National Social Assistance Programme hnuaiah tar chawmna/ tar pension mi 1337, hmeithai pension mi 153 leh disabled pension rualbanlo mi 37 te pek mek a ni a. Ministry of Tribal Affairs kaltlangin Zote-ah Observation Home leh Travellers’ Inn Farkawn-ah sak mek a ni. Champhai District chhunga mobile service leh internet network tha zawk a awm theih nana hmalak leh, Centrally Sponsored Scheme-te print leh electronic media kaltlanga mipui hnena zau zawka puanzar a nih theih nan chak zawka hmalak ni se tih a ni bawk. Heng bakah hian CSS hnuaia hnathawh hrang hrangte sawihoa zirchian a ni bawk.
Comments are closed.