BUNGRUA 10 KGS CHIN HNUAILAM AN SEM TUR A NI

Nimin khan Champhai Thalai Pawl hruaitute chu Champhai Dak Inah lengin thil thawn, a dawngtu tur te’n an dawn mumal loh chungchang SO an sawipui.
Champhai Thalai Pawl hruaitute hian Dak Ina lehkha leh bungrua rawn thleng, a dawngtu tur te’n an dawn mumal loh thu te, a dawngtu tur te’n lam zawk a ngai fo tih an sawi a. Lalrintluanga, Sub Post Master, Champhai chuan mipui tana thawk an nih anga theihtawpa hma lo lak a tum thu a lo hrilh a. Dak In-a lehkha leh bungrua rawn thleng, Kg 10 chin hnuailam chu Dak Pu te’n an Inah an pe tur a ni tih a sawi bawk.
Nimin vek khan Champhai Thalai Pawl hruaitute hian ZEDA hnenah District Hospital, Champhai a Solar chungchangah an hmalak mek leh an hmalak tum dan te an zawtfiah nghal bawk.