Nimin chawhnu dar 1:30 vel khan Champhai Dinthar Venga in pakhat chu bungrua engmah chuh hman lohin a kang ral vek.
Champhai Dinthar Branch YMA President Hualkhanenga hnen atanga thu dawn danin in kang hi Pu Vengtuliana In, Pu Lalnuntluangate luah lai a ni a, In a kan lai hian a luahtute hi an zin chhuah lai a nih avangin tumah an awm lo va. In a kang a ni tih hriat a nih rualin kangthelh tur hian Dinthar khawtlang tlankhawm mah se in hi a kan nasat tawh avangin thelh mih theih a ni ta lo va, bungrua engmah chuh hman lovin a kang ral a. In dang a kangkai tur erawhchu an veng thei thung a ni. In kan chhan hi Current kal sual vang nia rin a ni. Dinthar Branch YMA hruaitute chuan District thuneitute hnenah In kang chungchang hi an thlen tawh thu leh, khawtlang hruaitute nen hmalak zel dan tur an rel dawn tih a sawi a. Nimin khan bungraw kangchhia senghawiin Dinthar khawtlang hi an hnatlang nghal a ni.
Comments are closed.