BURMA ATANGIN BUNGRUA LAKLUH HRIHLO NISE TI

Get real time updates directly on you device, subscribe now.

Nimin chawhma khan Myanmar lam atanga nitin mamawh ei leh in lakluh
chungchang relin District Disaster Management Authority chu Bawrhsap Maria CT Zuali hovin DC Conference
Hall-ah an thukhawm.
Bawrhsap Maria CT Zuali chuan International border-te chu Central sawrkar enkawl leh an kuta awm a ni
a, hemi kaltlanga hmalaknate an mawhphurhna a nih thu a sawi a. Nitin mamawh lakluh kawngah ngaihtuahna fim tak sen a tul thu sawiin, ngaihdan tlang tak neia District kal zel dan tur ngaihtuah chunga infinchhuah turin a sawm a ni.
Thukhawm chuan Champhai District-ah Covid-19 hri lengin kiam lam aia pun lam a pan rih avangin fimkhur a tul zual hlein an hria a.
DDMA member leh sawm bikte hnen atangin Myanmar ramri kaltlanga nitin mamawh ei leh in lakluh chungchanga ngaihdan leh thurawnte ngaihthlak niin zau taka sawiho a ni a. Tual chhung thar thlai leh chawhmeh tam hun lai a nih avang leh, Mizoramah nitin mamawh ei
leh tul dangte a luh that avangin tun dinhmunah ramri kaltlanga nitin mamawh lakluh chu hri leng mek
dinhmun thlirin insum rih ni se, an ti. Vegetables Supply Chain kaltlangin mamawhte ngaihtuah zel ni se, ei leh bar chungchanga harsatna awm theite DDMA in thlithlaiin hma lak zel ni se, an ti.
CMO Champhai Dr. R.Lianmawia chuan hrikai hmuhchhuah chu a kar tela a tam zual thu sawiin, Zokhawtharah case a tam zual tih a sawi a. DMS Champhai Dr. Zatluanga chuan, District Hospital Champhaia inentir leh lut tur endik zingah kumin June ni 21 atanga August ni 13 thleng khan, RAT positive chu zaa 0.9 niin,
TrueNat bikah nikum September atanga kumin August ni 13 thlenga positive chu zaa 8.8 a ni tih a tarlang bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More