Inrinni zan khan Khawzawl Police te chuan dan lova tawlh ruk, Kuhva rah bag 265 an man.
Khawzawl Police te hian Inrinni zan zanlai dar 12:30 khan Khawzawl leh Tuipui inkarah Lirthei 5-a phurh Kuhva rah ro Bag 265, Kg 10,600 a rit Cheng 31,80,000 hu vel an man a. Heng kuhva te hi Champhai Ruantlang Kudam atanga Vairengte panpui tur, Lalhmangaihzuala, Ruantlang khua nia insawi ta a ni a. Lirthei khalhtute chuan Champhai Police Check Gate helin kawng rukah an kal tih an sawi. Khawzawl Police-te’n Kuhva an man te hi nimin khan Customs Preventive Force, Champhai kutah an hlan a ni.
Tun hma angin Myanmar atanga kuhva tawlh ruk hi a tam tawh lo ni-a hriat a ni a. Champhaia lut leh chhuak pawh tih tih tham a awm meuh tawh lo va. Champhai atanga Vairengte lama kalpui tur tam tham lo te pawhin kawngpui pangngai zawh lovin kawng ruk an zawh thin nia thu dawn a ni.
Comments are closed.