CAKE SIAM INZIRTIRNA HUN HAWNG

Get real time updates directly on you device, subscribe now.

Mizoram Youth Commission (MYC), MHIP Sub-Hqrs., Medhavi Foundation leh District Skill Committee buatsaih Cake siam zirna hun chu nimin chawhma khan Champhai District Bawrhsap Maria CT Zuali chuan Circuit House Conference Hall, Champhai-ah a hawng.
Bawrhsap Maria CT Zuali chuan thalai ten eizawnna ngelnghet leh thiam thil an neih theihna tura inzirtirna tur project, Mizoram Youth Commission hnena thehluhte pawm a nih avanga cake siam zirna kalpui theih a nih thu sawiin, cake siam thiamte atanga district miten cake siam dan, mahni khaw hmun ngeia an zir thei chu a lawmpui thu a sawi a. Hnathawh chu inhremna anga ngai lo tur leh kuthna thawh zahpui lo va, eng hna pawh hlawhtling thei tura nuam ti tak, phur taka thawk thin tura fuihin, mahni tan mai ni lo, midangte zirtir chhawng thei khawpa thiam bel tum turin a chah a ni.
Bawrhsap chuan cake siam bakah food processing zirna kalpui thuai tum a nih thu sawiin, khawl leh thiamna hmanga ei leh in sawngbawl kawngah hmasawnna nei tura tanlak a ni, a ti a. Cake siam zir tura inziaklut zawng zawngte chu mahni intodelh nan leh eizawn nana hmang thei tura theihtawp chhuah tura duhsakna hlanin training a hawng a ni.
Lalhlimthangi Khiangte, President, MHIP Sub-Hqrs. Champhai chuan, MHIP member cake siam dan zir turte a lawmpui thu sawiin, tumruhna leh taimakna nena tih takzeta inzir turin a chah a. Ral thei lo thiamna zir chhuaka eizawn nana hmang thei tura tan la theuh turin a chah nghal bawk.
He hun hi Obed Lalmalsawma, SDC chuan kaihhruaiin kalkhawmte lawmna thu a sawi a. Training tur hian cake siam lama tuimi MHIP member mi 22 te an inziaklut a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More