CCC Champhai District a hri kai te dam kim vek
Champhai District-a Covid-19 hri kai enkawlte chu an damkim ta a, ZMC lama thawn thlak mipa leh hmeichhia, pakhat ve ve chauh hri kai enkawl lai an awm ta.
Nimin khan Champhai District-a hri kai enkawl mek mipa pathumte chu enkawl dam niin, enkawlna hmun CCC an chhuahsan a. Champhai District-ah hian hri kai hmuhchhuah 92 awmin, an zinga 90 chu enkawl dam an ni tawh a, Champhai-a enkawl bik phei chu an damkim vek tawh a ni.
Hetihlai hian nimin khan khunghranna hmun atangin mi 3 an
chhuak a, midang 6 an lut ther ve
leh thung a. Sawrkar khunghranna
hmunah mi 31 awmin, in lama inkhung hrang 26 an awm bawk a. Champhai District-ah khung hran hi mipa 49 leh hmeichhia 10, an vaiin mi 59 an awm mek.

Comments are closed.