CHAMPHAI AH COACHING CENTER HAWN VE DAWN

Get real time updates directly on you device, subscribe now.

Ni 7.4.2022 (Ningani) chawhnu khan Mizoram Youth Commission Chairman, Dr. Vanlaltanpuia, MLA leh Dr. Z.R. Thiamsanga, Champhai North bialtu MLA te chuan Mizoram Youth Commission, Conference Hall, MINECO-ah inkawmna hun neiin Champhai Thalaite tan MYC Coaching Center, Champhaiah hawn a nih dan tur an sawih dun a, He meeting ah hian MYC Offcial-te leh Champhai Zirlai pawl Hruaitu te an tel bawk a ni.
He meeting ah hian MYC coaching Center , Champhai chu kumin May thla tir, chawlhkar hmasa lamah hawn tum nise tiin an rel a, Coaching Center hawn a nih theihna tura tul leh pawimawhte an sawiho nghal a ni.
MYC Coaching Center hawnna atana ruahmanna leh tul ang angte chu MLA pahnih – Dr. Z.R. Thiamsanga Champhai North bialtu MLA leh Hon’ble Minister T.J. Lalnuntluanga, Law & Judicial Dept etc kaihhruaina hnuaiah chak taka hmalak nghal tur a tih a ni.
Tunah hian MYC Coaching Center hi District pali (4) ah hawn a ni tawh a. Champhai a hawn leh tur hi Center panga (5) na a ni dawn a ni.

 

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More