Nimin khan Champhai district-a Health Care Worker-te hnenah Covid-19 vaccine chu pek chhunzawm leh a ni a. Nimina vaccine pekte hi Champhai district damdawi ina thawkte leh Champhai District chhunga Health Care Worker hrang hrangte an ni.
Thu dawn danin nimina vaccine pek chhuah hi internet leh portal lam a muan avangin duh anga pek chak theih a ni lo a. Hetihlai hian, Champhai khawpui chhunga vaccine pekchhuahna hmun tura ruahman – Roseland School chu remchan lohna a awm avangin sut leh a ni a. Champhai khawchhungah chuan Champhai District Damdawiin atang chiahin vaccine hi pek chhuah a ni dawn a. Vaccine pek hi karleh lamah chhunzawm leh tum a ni a. Karleh lamah khian Champhai district bakah Khawzawl district-ah pawh vaccine hi pekchhuah tum a ni.
Mizoram chhung District hrang hrangah Covid-19 Vaccine hi pek chhunzawm niin, nimin thlenga Mizorama Covid-19 Vaccine pek tawh zat chu hetiang hi a ni a, I hi nimina pek zat niin, II hi nimin thlenga pek tawh zat a ni.
I II
Aizawl East ….. 260 1046
Aizawl West …. 149 569
Champhai ……. 110 280
Kolasib ………. 219 296
Lawngtlai …….. 67 361
Lunglei ……….. 0 485
Mamit ………… 103 203
Serchhip ……… 175 306
Siaha ………….. 37 111
Total …………. 1120 3657
Comments are closed.