Champhai District chhungah hri kai mi 47 hmuhchhuah belh leh a ni a, hri kai hmuhchhuah zinga 11 te chu Holy Angels School hostel naupang te an ni.
Nimin khan TrueNat hmangin hri kai mi 18 hmuhchhuah niin Vengthlang-ah mi 4; Kanan leh Jail Veng-ah mi 3 ve ve; Zotlang leh Tlangsam-ah mi 2 ve ve; Venglai, Vengthlang North leh Kahrawt-ah mi 1 theuh hmuhchhuah a ni. Rapid Antigen Test hmangin hri kai mi 19 hmuhchhuah a ni a, Zotlang-ah mi 9; Khawbung-ah mi 5; Vengthlang-ah mi 4; Hnahlan-ah mi 3; Bethel leh Jail Vengah mi 2 ve ve; Vengsang, Hmunhmeltha, Electric Veng leh Ruantlang-ah mi 1 theuh hmuhchhuah a ni bawk.
Nimin a hri kai hmuhchhuah zinga mi 11 te hi Holy Angels School hostel naupang te an ni. Nimin piah Pathianni khan hri kai mi 18 hmuhchhuah a ni bawk a, Vengsang-ah mi 5; Vengthlang North-ah mi 4; Kahrawt, Zotlang, Farkawn leh New Champhai-ah mi 2 theuh; Kanan Vengah mi 1 hmuhchhuah a ni a.
Heti hian Champhai District chhunga hri kai hmuhchhuah chu mi 6288 an tling tawh a, hri kai enkawl dam mi 5950 an awm tawh a, hri kai enkawl lai mi 322 anla awm mek a ni.
Comments are closed.