Champhai-ah hri kai hmuh belh leh

Get real time updates directly on you device, subscribe now.

Champhai district-ah Covid-19 hri
kai mi 4 hmuh belh leh an ni.
Zirtawpni khan TrueNAT hmangin Champhai district-ah sample 45 enfiah leh niin, hri kai mi 4 hmuhchhuah leh an ni a. Hri kai hmuhchhuah tharte hi Bethel venga mi niin, chhungkua an ni a. Chhungkaw pa ber leh a fate 3 an ni a; an chhungkaw nu ber hi hri kai hmuhchhuah hmasak zingah a tel tawh bawk. Hri kai hmuh chhuah thar zinga an pa ber hi kum 38 mi a ni a, naupangte hi kum 6, 12 leh 14 mi-te niin, an zingah hian taksa-a natna lang chhuak an awm lo.
Heti hian Champhai district-a hri kai hmuhchhuah tawh zawng zawng hi mi 86 an awm tawh a. Hri kai enkawl dam mi 63 awm tawhin, hri kai enkawl lai hi mi 21, mipa 11 leh hmeichhia 10 an awm mek a. ZMC-ah mi 2 enkawl tura sawn an awm bawk.

CCC, Champhai

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More