𝗖𝗵𝗮𝗺𝗽𝗵𝗮𝗶 𝗮𝗵 𝗵𝗿𝗶𝗸𝗮𝗶 𝗵𝗺𝘂𝗵 𝗯𝗲𝗹𝗵 𝘇𝗲𝗹 𝗮 𝗻𝗶

Inrinni khan Champhaiah hri kai mi 2 hmuhchhuah belh a ni a, nimin khan Champhai khawpui chhungah Covid-19 hri kai mi 3 hmuh belh leh an ni bawk.
Inrinni-a hri kai hmuh chhuah pakhat hi tun hnaia Champhaia hri kai hmuhchhuah Ist Contact atanga kai nia hriat, LR Enterprise dawr neitu Champhai Kahrawt veng, kum 36 mi a ni a, taksaa natna lang chhuak lo a ni. Hri kai hmuhchhuah pakhat hi Champhai Venglai a mi, May ni 12-a Champhai rawn thleng kum 26 mi hmeichhia, Ina khung hran lai a ni a, ani pawh hi taksaa natna lanchhuahna nei lo a ni.
Hetih lai hian ni 15.5.2021-a hri kai
hmuhchhuah in a kaihhnawih zinga Dr Zatluanga Dawr nghaktu erawh a result a negative thung a, hri kai hnuchhuina kal zela Dr Zatluanga dawr tlawhtu Secondary Contact-te VLTF te’n an huam chhunga an Home Quarantine te chu an titawp nghal thung.
Nimin khan Covid-19 hri kai rinhlelhawm zual sample enfiah a ni a. Champhai Kanan Vengah hmeichhia kum 23 mi, tun thla ni 13-a Delhi atanga rawn haw, khung hran lai chu hri a kai tih hmuhchhuah a ni a. Nimin khan Champhai Vengthlangah mipa naupang kum 4 mi leh hmeichhia kum 18 mi chu hri an kai tih hmuhchhuah a ni bawk a.
Hri kai hmuhchhuah belh a nih leh tak avangin hnuchhui hna pawh thawh chhunzawm leh a tul dawn a, VLTF leh hnu chhui hna thawktu lam pawhin an thawh rim zui zel a tul dawn niin thu kan dawng.