Champhai DC Office-ah DC tih loh MCS Officer pakhat chiah a thu a, Addl DC leh SDO (S) te sawn chhuah an ni a. SDO (Sadar) hian vawiin thlengin a hna a la zawm lo a, Addl DC hna hi DRDO, PD in a hmui mek.
SDO (Sadar) kal chhuak ta Lalnunfela Chawngthu chu August ni 12 khan a sawnna order tichhuakin, Champhai Dinthar Veng VC By-Election zawh thlenga a post-a la awm tura tih a ni a. VC by-election
neih zawh hnu September ni 13 khan Champhai a chhuah san a. Champhai SDO (Sadar) tura dah H.Lalhruaitluanga chuan order chhuah atanga vawiin thlengin a hna hi a la rawn zawm lo a ni.
Champhai Addl DC kalchhuak ta Henry C.Lalrawnkima chu July ni 26 khan a sawnna order tihchhuah niin, August ni 19 khan Champhai a chhuahsan a. Champhai Addl DC tura dah David Lalrinawma’n August 24-ah a hna hi rawn zawmin September ni 7-ah Development Officer, Sinlung Hills Council-ah sawn chhuah leh nghal a ni a. September ni 13 khan a hna thar zawm turin Champhai a chhuahsan leh a, Addl DC tur hi mi dang dah tawh lovin DRDO, PD chu Addl DC hna hmui tura tih a ni.
Champhai DC Office-ah DC tiamin MCS Officer pahnih chauh thu an awm a, anni bakah hian khawpui chhungah MCS Officer dang 2 chiah an awm a, MSC Officer-te hian hna an chelh kawp nual bawk.
Comments are closed.