CHAMPHAI-AH RT-PCR KHAWL BUN TUM TA

Get real time updates directly on you device, subscribe now.

Nimin chawhnu Dar 1:30 khan Champhai District Hospital a RT-PCR khawl bun dan tur chungchang sawihovin Health & Family Welfare Minister, Dr. R.Lalthangliana Pisa-ah thutkhawm a ni a.
Thukhawm chuan Champhai District Hospital a RT-PCR khawl a nghet (permanent) a bun dan tur leh khawl bun lailawkna atana ruahman, Eye-Ward building sawngbawl dan turte an sawiho a. Khawl bun lailawkna atana ruahman hi tunkar chhunga hnathawh tan nghal turin ruahmanna siam nghal a ni.
UNICEF in ICMR kaltlanga District Hospital, Champhai a RT-PCR khawl dah tura a rawn pek hi kumhlui October ni 12 khan Champhai District MLA te’n District Hospital hotute hnenah an lo hlan tawh a. Khawl bun tur hian thil hrang hrang buaipui ngai a awm a, duhthusama ranga bun theih a ni lo tih thutkhawmah hian sawi lan a ni a. Sorkar-in theihtawp chhuaha hma a lakna zarah hna bul tan tura ruahmanna siam a nih thu sawi a ni bawk.
Health Minister hova nimina thutkhawmah hian Law Minister, TJ Lalnuntluanga, Dr. ZR Thiamsanga, Vice Chairman H&FW Board, R.Lalramnghaka IAS, Secretary H&FW Deptt., Dr. Eric Zomawia, Mission Director H&FW Deptt. bakah Health Engineer rualte leh Nursing enkawltute an tel a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More