CHAMPHAI-AH TUIALHTHEI AWM MUMAL TAWHLO

Get real time updates directly on you device, subscribe now.

Silchar tuilian vanga tuialhthei phurte an tlang theih mumal loh avangin Champhaiah tuialhthei lak tur a awm lo.
Furin tuialhthei phurh lama harsatna a siam avangin Champhaia filling station palite chuan tuialhthei hi sem rualin mipui hnenah an hralh chhuak thin a. Supply a awm mumal loh avangin Inrinni atang khan Champhai khawpui chhungah tuialhthei lak tur a awm lo va. Champhaia filling
station lian ber Mizofed Filling Station chuan kar kalta Ningani atang khan mi nawlpui hnenah tuialhthei an hralh chhuak lo va. Filling station dangte pawhin rikrum thil leh tulzual bikah te, coupon neite hnenah chauh tuialhthei hi an pe chhuak a. Filling station tam zawk chuan thla hmasa, June ni 23 hnu lamah tuialhthei hi an dawng tawh lo a ni.
Hriat theih chinah petrol trip 1 leh diesel trip 2 chuan Champhai an rawn pan mek a. Tunkar hi chuan a nawlpui tan tuilahthei hi lak tur a awm leh tawh a beiseiawm niin Filling Station manager te chuan an sawi a. Champhai DCSO-in a hmaa thupek a tihchhuah angin filling stationah hian rikrum leh tul bika hman turin petrol litre 5000 leh diesel litre 7000 chin an neih atang khan an dahtha niin thu dawn a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More