Champhai District chhungah Two Wheeler Taxi Permit 45 pe chhuak phawt turin rawtna thlen a ni.
Addl DC Henry C. Lalrawnkima hova Champhaia Two Wheeler Taxi service chungchang rela DC Conference Hall-a thukhawm chuan, Champhai District dinhmun thlirin a thawh khatna atan Two Wheeler Taxi Permit hi 45 pechhuak turin STA ah rawtna thlen phawt ni se, tiin an rel a. DTO R. Lalnunkimi chuan, tun dinhmunah Auto Rickshaw leh Taxi service te ngaihtuah tel loh theih loh an nih avangin Two Wheeler Taxi permit hi tum khatah tam tham tak pek chhuah a rem rih lovah an ngai tih a sawi.
DTO chuan hripui leng vanga lirthei neitute harsatna hre reng chunga Mizoram sawrkarin Feb 2021 hnu lama lirthei kaihhnawih document thite tana late fee chawi lova tihnun leh a phalsak hun chhung, Sept ni 30 thlenga pawh sei chu hun tiam chhunga pe vek turin lirthei neitute a ngen a.
Champhai khawpui chhunga Parking fee khawntute khawn hun chhung a tawp tak avangin Parking fee khawntute hi a thara lak leh tur a nih thu sawiin, a dil duh tan hun hawn mek a nih thu a sawi bawk.
Comments are closed.