CHAMPHAI DAMDAWIIN AH DAMLO ZAI THEIH LO

Get real time updates directly on you device, subscribe now.

Mizoram pumah National Health Mission (NHM) hnuaia Damdawiin a hnathawktute an nawrh avangin Damdawiin hrang hrang ten harsatna an tawk mek a. District Hospital, Champhai ah phei chuan harsatna an tawk nasa hle a. A bikin in zai ngaiah phei chuan Doctor nghet neih loh avangin tunah hian engmah an zai thei lo tih thu dawn a ni. Covid-19 vanga Mizoram pum Lockdown khauh tak kalpui a nih laikhan nawrh an lo tum tawh a, mahse mipui an hmai zah avang leh Sawrkar lam in an ngen avangin an lo thulh tawh a. Mahse Sawrkar a sawi angte an tih hlawhtlin a nih loh avangin nawrh hi an huaihawt ta niin an sawi bawk.
Hetiang hi NHM hnuaia hnathawktu an lak te lungawi lihna leh Sawrkar a an thil ngiat te a ni.
National Health Mission Employees Union Mizoram (NEUM) Executive Meeting, 9th December, 2021, Committee member bakah District representative, Profession hrang hrang leh Programme hrang hrang aiawh te telna chuan heng thu te hi an rel a ni :
1. NHM hnuaia thawkte hi sorkarin a nghet a min lak thuai theihna turin Cabinet Meeting in a rang thei ang berin min ngaihtuah rawh se; hemi atan hian kan Health Minister zahawm tak hian Cabinet meeting min put luh sak rawh se. Sorkar ah equivalent post ruak a awm lo anih pawhin sorkarin department post ruak a neih sa
hmang hian siam rem sela, a tam thei ang ber NHM Staff atang hian hnawhkhah ni rawh se.
2. NHM Contractual Employees ten hun lokal zel turah a hun taka hlawh kan lak ve zel theihna turin Mizoram sorkar Finance Department hian NHM Central Share pawisa lokal hi Ministry of Health and Family Welfare Financial Guidelines awmsa angin ni 15 ral hmain state sorkarin Department hnenah pe chhuak ve zat zat tawh se la, hemi atan hian ziakin assurance/commitment min pe/siam rawh se. Tin, State Matching Share pek tlai hian NHM sum lo kal leh zel tur a nghawng zel avang hian SMS pawh hi a hun takah pe chhuak tawh rawh se. Tun dinhmunah pawh kum 2020-21 (FY) Central share pek kim a la ni lova, State Matching Share pawh a la pe kim lova, hei hi December ni 15, 2021 ral hma ngeiin pe chhuak vek rawh se. Tunah hian State in rem a tih a, a duh chuan NHM Central Share hi direct funding a dawn theih dan a awm a, hei hi State sorkar hian remti ngei rawh se.
3. NHM Employees ten Medical. Reimbursement pangngai an enjoy ve. leh theihna, sorkarin rang ruahmanna min siam sak rawh se.
4. Health Department hnuaia hna lak. zawng zawngah NHM hnuaia Contractual staff te an lo thawh tawhna leh Rural Posting hian weightage a zavaiah nei tawh rawh se. Hei hi Department in a kalphung. tur mumal takin min duansak bawk rawh se.
Heng kan resolution siam ah te hian. December ni 15 2021 ral hma ngeia thu lawmawm kan hmu lo anih chuan. keini NEUM te chuan nawrh bak. tihtheih neiin kan inhre tawh lova, mipui ah harsatna nasa tak a thleng. anih pawhin khawngaiha min lo hrethiam turin kan ngen lawk a che u. Tiin Malsawmtluanga Hauhnar President leh Dr Vanlalpeka ten hming an ziak a ni.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More