Niminpiah leh nimin khan Champhai DAO George Lalthanngura chuan Khawbunga Sorkar Flagship Programme hnuaia Chana leh Têl antam chinna tur hmun – Tuipui leh Tuiaw Zau tlawhin thlai chi a sem a, thlai chin dan tur zirtir nghal a ni.
Champhai DAO George Lalthanngura chuan niminpiah khan Khawbung Farming Society buh chhunkhawm
hmuhpuiin, Tuipuia thlasik thlai chin tur zirtirin, a chi a pe a. Chana chin tur quintal 3 a pek pawh tam zawk leh hlawk zawka thar tura hma la zel turin a chah bawk. Khawbung Farming Society Chairman PC Rozika chuan, an buh chu natna hrikin a bawm avangin a tha tawk lo niin a sawi a; an buh chu Tui lianin eng emaw zât hrût mah se, Khawbung Farming Society-te chuan buh “Tu-ha
Zâwn” an thar theih thu a sawi bawk.
DAO hian nimin khan Khawbung Tuiaw Zaua leilet buh seng tawhte chu an leiletah tlawhin, thlasik thlai chin tur Têl antam chi quintal 1 a hlân a. Têl antam hi vawi khat an chinna tur a nih avangin a chin dan tur an ruahman dan chi hrang hrang chu zirtirin an hrilhfiah nghal bawk. Champhai DAO hi Khawbung RD Block huam chhunga Agriculture Circle enkawltu MC Lalramenga’n
a tawiawm a ni.
Comments are closed.