Pu KC Doliana, Vangchhia chuan Buh tin 2002 tharin Champhai District chhunga hriat theih chinah buh thar hnem ber ni a.
KC Doliana hian Vangchhe ram chhung Tlabung zauah leilet neiin buh chi, Buhpui Tawi phunin nikum khan Buh tin 1625 tharin Champhai district chhunga mimal buh thar chhuak hnem ber a lo ni tawh a, kuminah tin 2002 thar chhuak lehin ama record hi tin 377 a khumin buh thar hnem ber a ni. Kumina buh a thar chhuah hi Buhpui tin 2000 leh Buhban tin 2 niin Zirtawpni khan an pawl tla fel a ni.
Kumina Airuah sur nasa-in Champhai District chhunga buh chinna hmun zawng zawngah harsatna a siam deuh vek laiin Tlabung zauah erawh chuan buh an thar tlai thin avangin ruahsur nasa-in harsatna a thlen lo tih Agriculture Dept chuan an sawi a. Tlabung zauah hian Hectare 10-a zau leilet siam thar hna an thawk mek bakah Minor Irrigation Dept lamin tui kawng tha tak an siam bawk.
Comments are closed.