Thawhlehni thleng khan Champhai district-ah Covid-19 vaccine dose khatna mi 3,552-in an la tawh a; mi 830-in dose hnihna an la tawh bawk.
Covid-19 vaccine chu Mizoram pumah pek chhunzawm zel niin, Health Care worker, Frontline worker, Kum 60 leh a chunglamte bakah, kum 45 leh kum 60 inkara natna benvawn neite pek mek zel an ni a.
Niminpiah khan Champhai district-ah Health Care worker vaccine dose 2-na la mi 2 an awm a. Frontline worker mi 5 vaccine dose 1-na pek niin, kum 60 leh a chunglam mi 195-in vaccine dose 1-na an la a, kum 45 leh kum 60 inkar natna benvawn nei mi 88-in vaccine dose 1-na hi an la bawk a. Champhai district-ah chuan Health Care Worker-te chauhin vaccine dose 2-na hi an la la a ni.
Niminpiah thleng khan Mizoram pumah vaccine dose 1-na hi mi 37,784 in an la tawh a, dose 2-na hi mi 9,391-in la tawhin, Health Care worker mi 21,120-in vaccine dose 1-na leh dose 2-na an la tawh a. Frontline worker mi 17,888-in vaccine dose 1-na leh dose 2-na hi la tawhin, kum 60 leh a chunglam mi 7,587 vaccine dose 1-na pek an ni tawh a. Kum 45 leh kum 60 inkar natna benvawn nei mi 589 vaccine dose 1-na pek an ni tawh bawk.
Vaccine lak avanga harsatna tenau nei, luhai, khawsik leh taksa chau mi eng emaw zat chu awm mah se, harsatna lian tham tawk erawh an la awm lo a ni.
Comments are closed.