Blood Bank, District Hospital Champhai leh Association for Voluntary Blood Donation, Champhai tangkawp buatsaihin nimin khan Kahrawt Community Hall, Champhaiah National Voluntary Blood Donation Day 2022 puala hun hman a ni.
He hunah hian HIV chungchang inzirtirna buatsaih a ni a. Dr. PC Lalawmpuia, MD, District Hospital Champhai chuan HIV 1 leh 2 a awm thu sawiin, HIV positive zinga za zela 80 te chu HIV 1 kai an nih thu a sawi a. Mizorama AIDS dinhmun tlangpui tarlangin, Champhai District bikah nikumah HIV+ 96 hmuhchhuah a ni a, kumin April-August chhungin HIV+ 65 hmuhchhuah tawh a nih thu a sawi a. Ramri depah hrileng a hluar thin bik thu sawiin, fimkhur a tul nasat bik thu a sawi a. Kalkhawmte chu ruihhlo leh a kaihhnawih laka inthiar fihlim turin a chah bawk.
He huna tarlan dan chuan, Kum 2021 chhunga Champhai district-a thisen pek zawng zawng belhkhawm chu unit 1183 niin, mipa 966 leh hmeichhia 217 ten thisen an pe a ni.
Comments are closed.