Nimin khan Champhaiah hri kai mi 1 hmuhchhuah belh leh a ni a, enkawl dam mi 3 an awm bawk.
Nimina hri kai hmuh chhuah hi hri pui thawh hnihna avanga tlawh pawh phal loh (Containment Zone)-a puan mek Zokhawthara Rapid Antigen Test hmanga hmuhchhuah a ni a. Hmeichhia kum 21 mi taksaa natna lanchhuahna nei lo a ni a, naupai lai a nih avangin 4-C Zokhawtharah dah lovin Covid Care Centre, Champhaia enkawl turin phurh phei a ni a. Heti hian Zokhawtharah hri kai mi 75 hmuhchhuah an ni ta a.
Hetih lai hian nimin chawhma khan Champhai District Covid Care Centre-a hri kai enkawl mipa pathum, kum 23, kum 30 leh kum 45 te chu hri an kai tawh lo tih finfiah an nih hnuin dam takin enkawlna hmun an chhuahsan ve thung.
Champhai District chhungah hri kai 205 hmuhchhuah tawh niin, mi 170 enkawl dam tawh an ni a, enkawl dam zat hi za zela chhutin 82.92 a ni a, hri kai enkawl mek 35 an la awm a. Champhai Covid Care Centre ah mipa 6 leh hmeichhia 8 te enkawl mek an ni a, 4C Zokhawthar ah mipa 5 leh hmeichhia 14 te enkawl mek an ni bawk a, ZMC-ah mi 2 enkawl mek an ni bawk.
Comments are closed.