Tunhnaia Court chungchanga Sawrkar ruahmanna siam thar ang chuan Champhai District tan Case lian leh Court te zawk rorel Appealna khawih thei tu tur District Judge ruat ve a nih tak loh avangin Aizawl ah Court mai tur ang a thu tihtluk a nih hmel a. He mi chungchang hi District mipui ten kan hriat chhian a, Aizawl a Court lo tur a Champhai District tan Additional District Sessions Judge emaw tal kan ngiat ve thuai a tul hle mai.
1. Case thubuailian deuh chinah chuan thubuai neite leh thuhretu witness zawng zawng te chu Aizawl ah Court a ngai dawn a, hei hi a hlat tham em avangin a hautak hle dawn a ni. Thubuai lian deuh ah chuan kum 5 atanga kum 10 te rorel hun chhungin a awh thin lehnghal.
2. Champhai a Court pangai case lian lutuk nilo MLTP tih ang bawr vel case a Convict tawk thiam loh changte tan damlohna emaw thildang harsatna eng emaw riau leh vawikhat tih sual thil avang ten rorel tawh thiattur emaw, hremna hniam han dil leh na tura Appeal turin Aizawl a case file a ngai turhi a hautak leh hle mai bawk. Miharsa deuh sanghnihkhat tawng tawng chauh nei tan chuan Appeal theih loh ang tluk a ni mai dawn a ni.
3. Case lian thenkhatah chuan a tuar tu Victims ten taksa emaw riru lam ah emaw tawrhna, rang taka han chhawmdawl ngai te awm theih a ni a, chutiang mamawh tan pawh Aizawl a zuk beih ngial ngai tur hi a diklo a ni.
4. Politics thil a in erna emaw mimal inpuh chhiat duh vang emaw in man tawk tura case neih palh theih a ni tu te tan pawh . Chu tiangthila man nih hma a Bail lawkna (Anti- cipatory Bail) dil turin Aizawl bawk a ngai dawn tihna a ni a, a hautak lutuk hausa deuh tan lo chuan. Tin, Anti – cipatory Bail rikrum thil leh rangtaka dil ngai chi a nihna a bo bawk ang.
5. Champhai District chhunga dan leh dun rorelna atana thawktu Magistrate dangte, Police leh Excise te, leh helam panga thawktu zawng zawng te tan uaptulian leh thuneihna sang deuh nei an awmloh chuan thil fello leh a nghawng pawi tak a ni thei. Sawrkar tan leh mipui tan a himlo thei ve ve a ni.
6. Champhai District hian Village Council 100 (za) huapin population mihring ah pawh Aizawl leh Lunglei tih loh ah chuan pathumna ni pha anih avangin Court changtlung tak neih hi kan phu ve hrim hrim mai. Accident tawkte luman claim theihna Court thlengin awm tur zawk a ni.
7. Sawitawh angin Champhai atanga Aizawl Court kal chu tlangram kawng atan chuan a hla lutuk hrim hrim mai. District chhung khaw thenkhat atang phei chuan Kilometer 250 chuang lai te a ni.
8. He thil hi ukil te hna hmuh na mai a ni satliah lova, a tuar tu chu a tak tak a in sengso mipuite ( consumer of justice) kanni.
9. Thilnawr chhuah theih loh pawh a nilo. Additional Sessions Judge tur hi MJS te zingah an awmm ngei a, Aizawl ah an awm nghuk ringawt mai zawk a ni. Tunhnai ah Court LDC leh Peon te lak belh nual an nih a lawm awm rualin a khai pa tur ber neih loh chu a va awmzia lo ve.
10. Case lian keini aia neitlem daih Kolasib District chuan kum 2006 daih tawh khan ADM (J) an nawr chhuak daih tawh a, tunah pawh hian Champhai District mipuite kan ngawih liam mai mai laiin Kolasib District tan Additional District Judge an nawr leh daih tawh a nia, kan ngawi reng bik dawn em ni.
Hei vang hian Champhai District mipuite hamthatna atan leh Sawrkar inrelbawlna atan pawh tha zawk a nih avangin Additional Sessions Judge tal chu rangtakin Champhai ah dah thuai ni rawh se. Tunmai dinhmunah a theih loh pawn a transition period chhung a tan DC in emaw Addl. DC in emaw lo rel leh hrih mai rawh se.
Comments are closed.