CHAMPHAI DISTRICT COURT P.I. ROOM RAWKTU NIA RIN MAN

Get real time updates directly on you device, subscribe now.

CHAMPHAI  DISTRICT COURT P.I. ROOM RAWKTU NIA RIN MAN :
Champhai Police, District Executive Force in thuchhuah an siam dan chuan Ni 9.11.2019 (Inrinni) zan a District Court, Champhai P.I. room chu mi tu tih hriat lohin a kalhna kawngkapui tala kar chhiain, a chhunga Steel almirah pakhat la chhuakin, kar hawn a ni a,  a chhunga thubuai file chi hrang hrang leh documents pawimawh tak tak District Court daiah ah hal ral a ni a. Tin, hemi zan vek hian Champhai District Court Canteen kawngkapui kalhna tala kar chhia in, rawk a ni bawk a, hemi chungchangah hian Champhai Police Station ah thubuai ziah luh nghal a ni. (CPI-PS C/No 121/19 Dt.10.11.2019 U/S 457/380/435 IPC & CPI-PS C/No 122/19 Dt.11.11.2019 U/s 457/380 IPC).
He thil thleng chungchang ah hian Enquiry/Investigation ulauk taka kalpui a ni. Special Investigation Team (SIT) SDPO, Champhai kaihhruaina in din a ni bawk. Police te chuan thil tisualtu hi man tumin  theihtawp  an chhuah a, Dt.15.11.2019 (Friday) hian Champhai Police te chuan Vaihmun, Champhai ah thil tisualtu Lalpekhlua(23) s/o Hramliana(L), North Khawbung khua chu man a ni ta a ni.
Lalpekhlua hi uluk taka thu zawh fiah ani a, amah ngeiin he thil hi amah chauhva atih anih thu a sawi a ni. Lalpekhlua hian Champhai Police Station hnuai ah rukruk thubuai  pahnih leh Naupang khuaikhem thubuai te pawh a lo nei tawh nghe nghe a ni. Lalpekhlua hian he thil a tih chhan amah ngeiin a sawi dan chuan naupang khuaikhem thubuai a neih mek ah hian file leh documents pawimawh te a hal chhiat chuan a thubuai neih mek ah hian a him emaw hremna ah awmzia a neih a in beisei vang a ni, tih a tarlang. 
Hetiang hian Lalpekhlua hi an khua atanga khawtlangin an hnawhchhuah tawh leh an khaw mi lrh sa nih a nei tawh lo a ni tih North Khawbung VCP VR Rohmuchhuala hnen atangin thu kan dawn.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More