CHAMPHAI DISTRICT COVID-19 BEHBAWM

Get real time updates directly on you device, subscribe now.

Hri kai hmuh belh
Champhai District chhungah hri kai mi 17 hmuhchhuah belh leh a ni.
Nimina hri kai hmuhchhuah thar te hi Rapid Antigen Test hmanga hmuhchhuah vek an ni a.
Heti hian Champhai District chhunga hri kai hmuhchuah chu 2,176 an tling tawh a. Nimin khan hri kai enkawl dam 11 te’n enkawlna hmun an chhuahsan a, enkawl dam hi mi 1,501 awm tawhin, hri kai hmuhchhuah zat
atanga chhutin hri kai enkawl dam zat hi za zela 68.97 a ni a; hri kai enkawl lai hi 673 an la awm mek.

Covid test kit pe
Nimin khan East Tuipui bialtu MLA Ramthanmawia, Bamboo Link Road Board Vice Chairman chuan a bial chhung ah Covid 19 Test Kid 1000 a thawn lut.
Heng test kid te hi East Tuipui bial chhung PHC leh Covid 19 Testing Centre-ah te a tul anga sem rual leh tur a ni. He mi hma hian MLA hian a bial chhung PHC leh 4C hrang hrangah Covid 19 dona hmanrua leh sumfai tanpuina te a lo pek tawh thin a. A bial chhung VLTF hrang hrangah Covid 19 dona hmanrua, Sumfai , Ei leh bar tur thlengin a lo ngaihtuah sak tawh thin a. Buhfai te pawh a thlawnin harsa zual hnenah a lo sem tawh bawk a ni.
MLA Ramthanmawia chuan a bial chhungah Covid 19 hri kai endik tur an pun chhoh zel avangin Test Kid indaih loh vanga harsatna a thlen loh nan, test kid hi thawn a nih thu sawiin, Bial mipui him leh thlamuang taka an awm chu a duh ber a nih thu a sawi a. Covid 19 dona kawnga a bial mipui, Medical Team te leh VLTF te tanrualna chu fakawm a tih thu a sawi a, an thawhrimna chuan rah tha a chhuah ngei a beisei tlat tih a sawi bawk.
East Tuipui bial chhungah Covid 19 hri kai hi 52 hmuh chhuah tawh niin, hri vei enkawl lai hi 32 an awm mek.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More