Tunlaiin Vawkpul hri hlauhawm tak African Swine Fever(ASF) Mizoram hmun hrang hrangah leng mekin Vawk 1764 thi tawhin an la thi kal mek zel bawk a, ASF hi Khawzawl Town chhungah pawh lengin tunah hian Vawk 43 lai an thi tawh bawk a ni. He Vawkpul hri hlauhawm lak hi Champhai District bikah alo luh lohna turin mitinte kan fimkhur a, kan tan tlan a ngai tak zet a.
Heng a hnuaia tih tur leh hriat tur pawimawh kan han tarlan te hi zawm theuh turin kan inngenin kan inhriattir a ni.
1. Champhai Bawrhsap in District dang leh khaw dang atanga Vawk lakluh khapna Order Dt. 16.April.2021 -a a tih chhuah hi Dt.16.June.2021 thleng hman tur a ni a. Hei hi khawtin leh vengtin VC ten khauh taka kenkawh tur niin a khat tawka puanzar fo tur a ni.
2. Mahni Vawk in theuh pawnlam mi tlawh tir loh tur, thenawm te ran damlo tlawhpawh loh tur.
3. Vawk damlo reng reng dah hranna bik siam a, a damloh chhung chu dah hran (Quarantine) tur.
4. Vawk In leh a vel te. Vawk chaw pekna leh hmanrua dangte tih thianghlim fo tur ani a, hengte hi hman thin nise – (1) Bleaching Powder (2-3%) (2) Chinai tui (1%)lch Tuisen ( Potassium Permanganate) 3:10000. Heng damdawi te hi mahnia intum tur a ni a, a ncilo te chuan AH & Vety Champhai biak pawh theih a ni.
5. Vawk vulh lai chhan leh vang hmuh tur awm lova thi thut alo awmin, phum bo mai lovin bialtu Veterinary Officer emaw Field Staff hriattir vat tur ani. Heng Ph No. 8974223821, 9862305825, 8414963871 ah te hian biak pawh theih a ni ang.
6. Vawk thi reng reng paih mai lovin thuk takah (6N) chinai nen phum tur a ni.
7. Ran damlo chaw pekna hmanrua reng reng, a damlai chaw pek nan hman pawlh loh tur ani.
8. Ran enkawltu in thawmhnaw hak bik leh gum boot tihfai awlsam bun bik neih tur ani.
9. Pawnlam chaw ningnawi pek loh a him ber a, kan pe anih pawhin uluk taka chhuan so that leh tur.
10. Vawk talhna leh puahna ningnawi te felfai taka phumbo tur.
11. Vawk damlo reng reng hrahchhuah/ talh loh tur.
Comments are closed.