CHAMPHAI DISTRICT NGOs’ COMMITTEE DINTHAR

Get real time updates directly on you device, subscribe now.

Nimin chawhnu khan YMA Sub-Hqrs. Champhai Office, Tlangrawt ah District Level a tlawmngai pawl hrang hrang hruaitute an thukhawm.
He hun kaihruaitu F.Lalrinmuana YMA Sub-Hqrs. President chuan Kum 2017, July ni 17 khan Champhai District a tlawmngai pawl hrang hrang hruaitute kalkhawm chuan, thawh hona tur pawl siamin, Champhai District-a tlawmngai pawl hrang hrang hruaitute kalkhawm chuan Joint NGO Committee an siam a. Hruaitute pawh hming hmerha siam lovin tlawmngai pawla an nihna anga vuah an ni, a ti a. Hripui leng vangin hna pawh kan thawk ho thei meuh lo va, kha Committee kha tuai thar, hruaitu siam thar leh a tul a ni tia sawiin, he huna kal khawm NGO hruaitu ten huam zau takin an ngaihdan te an sawiho a. YMA Sub-Hqrs., MHIP leh District MUP hruaitu kalkhawm te chuan thawh hona, Forum din zui zel tha tiin, an thawh hona pawl lo awmsa chu a hming atan Champhai District NGOs’ Committee tih ni se, an ti a; hmalak dan tur thil chi hrang hrangte an sawiho nghal bawk. He thutkhawmah hian YMA, MUP leh MHIP hruaitute an tel a, MZP Hqrs Champhai hruaitute erawh rokhawlhna avanga an kal theih loh thu tarlan niin, an rel ang angte an pawm dawn niin thu an chah tih tarlan a ni bawk.
Nimina thukhawm chuan, Kum 2017-a lo rel tawh angin Office Bearer, hming hmerha inruat lovin an siam nghal a. President-ah YMA Sub Hqrs President; Sr. Vice President-ah MUP President; Secretary-ah SYMA Secretary; Joint Secretary-ah MZP Hqrs Secretary; Asst Secretary-ah MZP Hqrs Asst Secretary; Treasurer-ah MUP Treasurer leh Fin Secretary-ah MHIP Fin. Secretary-te an ruat nghal bawk.

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More