Nimina Mizoram Board of School Education chuan Pawl Sawm result a tichhuak a, Champhai distrist-ah zirlai zaa 79.47 an pass.
Pawl Sawm result chhuakah hian Champhai district-a zirlai zaa 79.47 an pass a, zirlai zaa za pass Sikul 9 awmin, zaa za hlawh-chham
(fail) Sikul an awm lo thung. Zaa za zirlai hlawhtlinna chang Sikul-te hi : BC Lalthlamuana English Academy; Bethel Mission School; King Solomon’s School; Presbyterian English School, Zotlang; Springdale Academy; Hruaikawn RMSA Secondary School; Dilkawn High School; Govt. Bungzung High School leh Sazep High
School-te a ni a. Champhai district-ah hian Regular leh Private-a exam belh khawmin zirlai 1,257-in exam an hmachhawn a.
Zirlai 999 in hlawhtlinna changin, distinction-ah 164 an pass a. 1st division-ah 331 pass-in, 2nd division-ah 372 an pass a; 3rd division-
ah zirlai 132 an pass bawk.
BC Lalthlamuana English Academy zirlai
K.Vanlalthakimi d/o K. Lalbiakdika, Bethel Veng chu Social Science Subject-ah mark 99 hmuin, Mizoram puma Social Science subject-a mark hmu sang berte zingah a tel a ni.
Comments are closed.